Leit jurip kyndit u Bah Banteidor kum u MLA ia ka Mawkynrew PHC, lap shibun ki jingduna

BanteidorShillong, Jylliew 29: U Bah Banteidor Lyngdoh uba long ruh u MLA bad MDC jong ka Mawkynrew Constituency bad ha kajuh ka por u Myntri sorkar ba dei khmih ia ka Sports bad Youth Affairs jong ka Sorkar jylla ha ka 26th June 2018 u la hiar ban leit jurip kyndit  ia ka Mawkynrew PHC ban lap hi dalade ia kiba bun ki jingdkoh ha katei ka jaka sumar. Ha katei ka sngi la ia don ryngkat ruh ka Dr. I.Syiem, Block Medical Officer Mawkynrew bad kumjuh I Dr. J.B. Ranee, DMCHO East Khasi Hills.

Ha katei ka jingleit jurip la lap ba ka Labour Room ruh kam long satia kaba bit kaba biang namar ka jing sngem bad ka jing jaw um, kaba lah ruh ban ktah ia ka koit ka khiah jong ki Longkmie kiba wan ban kha khyllung ha katei ka PHC, nalor kata ki jaka sah jong ki Doctors, ki nongtrei Chowkidar ruh kam long satia kaba paka bad kaba bit ban shong ban sah leh se lah ban ong ba la shu trei torti ha ki por kiba la leit.

Na ka liang jong u Bah Banteidor Lyngdoh hadien bala ioh ban ia mir jingmut bad ki Doctors bad ki nongtrei  jong katei ka PHC, na ka liang jong u kum u MLA bad ha kajuh ka por kum u Myntri sorkar un sa rah ia katei ka jingeh sha ka sorkar jylla ban iakren bad u Myntri ba dei khmih ia ka koit ka khiah khnang ba ka jingdon jong katei ka PHC kan long shisha ka jingkyrkhu na ka bynta ki paidbah nong shong shnong jong ka thain hi baroh kawei.

Na ka liang jong u Bah Banteidor Lyngdoh MLA/MDC Mawkynrew Constituency u la ong: “Ngan shinkhia ban buddien hi dalade khlem shongthait tad haduh ba ki jing angnud jong ki paidbah kan urlong khnang ba katei ka PHC kan nang lah ban ai ia ka jingshakri kaba bha bad kaba janai tam”.

 

 

 

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet