Shillong, Jymmang 10: U Principal Chief Conservator ka tnad khlaw u C P Marak u la iathuh ba u District Forest Officer West Jaintia Hills u la leit ban jurip halor ka jingujor ba ki shnong ba don sha rum jong ka Nongtalag kila kyrduh umdih na ka daw jong ka jingtih Mawshun.
Haba kren ha u SP News Agency, u Marak u la ong ba na ka liang jong ka ophis kala phah ia u DFO jong ka West Jaintia Hills ban leit ban jurip halor ka jingud jong ki paidbah ba ki umdih kim long shuh na ka daw jong ka jingtih Mawsun.
Haba jubab ia ki jingkylli na ka liang jong u PCCF u la ong ba haduh mynta ym pat ioh ia ka kaipot na u DFO, hynrei kaei kaba u tip ka long ba ka jingtih mawshun sha katei ka thaiñ ka long katkum ka Mining Plan kaba ki la ioh katkum ka MMCR Rules ia kaba la pdiang da ka Pollution bad ka tnad environment.
Na ka liang jong u Bah YF Shullai PCF ba dei peit ia ka Territorial ruh u la iathuh ha u SP News Agency ba ka jingtohkit halor ka jingud jong ka paidbah la leit ban jurip da u DFO jong ka Jowai hynrei ym pat ioh ia ka kaiphot.
Na ka liang jong ki padbah ka thaiñ Dawki ki shnong kiba don sharum jong ka Nongtalang ba don ki par Mawshun kila ud ba ki kor um kila saw bad ki tyllong um kila saw na ka daw jong ka jingtih Mawshun ha kaba ki paidbah kila shitom ban ioh ia ka umdih.
