Shillong, Lber 03: Mynta ka sngi u Conrad K Sangma u la leit ban ia kynduh ia u Lat ka jylla u Phagu Chauhan ban ai ia ka shithi ban kam ban thaw ia ka sorkar Meghalaya ha ka jingdon long 28 ngut ki MLA, 26 na ka NPP bad 2 ngut jong ka BJP.
Ha kane ka juh ka sngi u Cornad K Sangma u la ai ruh ia ka shithi resign na ka kam kum u myntri rangbah ka jylla ban ailad ban thaw ia ka sorkar kaba thymmai ha dien ka elekshon kaba dang shudep ha kaba ka NPP kala leit ban kam biang ban thaw ia ka sorkar ha Meghalaya.
Wat la kam pat shai ki thymmai khubor kila iathuh ba ki ar tylli ki party ka PDF bad ka HSPDP kiba don mar ar ngut ki MLA la sngewthuh ba kin ai ka jingkyrshan ia kane ka sorkar sorkar thymmai ka ban ia lam da ka NPP.
