Shillong, Naitung 24: Ka KSU jong ka JHDU hapoh ka jingialam u President bah Ohibait Dkhar ryngkat ka jingiatrei lang ka KSU Narpuh Circle bad ka KSU Khliehriat Circle la khang tala ia ka Tollgate ba don ha Lumshnong East Jaintia Hills.
Ki daw ba pynlong ia ka seng ban khang tala ia katei ka Tollgate ka long ba la kut ka jingai por ba 5 sngi ia ki nongtrei barjylla ban pynbiang ia ki kot ki sla ba donkam kum ka work permit ia ki nongtrei bad trading license pyrshah ia Katei ka kompeni.
Ha ka jingshisha ka seng ka la dep ban ia kynduh ia u Anup Bal uba na Kolkatta uba dei u contractor Jong ka Eagle company Pvt LTD u ba dei artad u nongshim wai ia katei ka tollgate na ka NHAI ban lum khajna. Ha katei ka jingiakynduh kaba ha ka 8/7/19, ka seng ka la dawa ba un pynbiang ia ki tei ki kot ba donkam hapoh ka 5 sngi.
Hynrei wat haduh ba la khang tala syndon mynta ka sngi, la lap ba wat tang uwei u nongtrei bar jylla ruh um don ia kitei ki kot. Shuh shuh ka seng ka lap ba ha ka jingleit jurip ia u surok da ka KSU Narpuh circle dang ha kine ki khyndiat sngi la lap ba naduh Mynkre haduh Ratachera u surok um long shuh. Ka seng ioh sngew ia ka jingud u paidbah dei halor kane ka nongrim ka seng ka leit jurip bad la lap shisha ia katei ka jingjot jingpra jong u tei u surok.
Kumta ka Seng ka ieng pyrshah jur ba kumno ka tei ka kompeni ka lah ban lum khajna hynrei katba ia ka tei ka surok pat Kam shim la lah ban maramot halor kitei ki nongrim kumta kala pynlong ia ka seng ban khang tala noh shi syndon mynta ka sngi ia ka toll plaza kaba don ha Lumshnong bad yn sa leit khang tala ruh ruh sa ia ka Wei ka toll plaza kaba don ha ialong west Jaintia Hills kaba dei trai da katei ka juh ka company bad da u juh u tei hi u juh u nongshim Wai.Ka Seng hi Kan nym shong kli kti hynrei Kan nang iai buddien nangne Sha khmat halor kane ka Kam.
