Shillong, Jylliew 11: Ka KSU East Jaiñtia Hills District Unit ha ka 10tarik Jylliew 2022 kala leit ban sngewlem ïa kawei ka long ïing kaba don ha ka shnong Jalyiah kaba don hapdeng ka jingduk jing kyrduh haba kaba iakine ki heprit ki lah shem jynjar naduh ba ym don shuh ka kmie bad la peit ïaki pat da ki bahaïing.
Ha kane ka sngi la ïalam ïaka kynhun da u Samla Rangbah Satly Ryngkhlem Vice – President ha ka jindon ryngkat u Assistant General Secretary Samla Pynshai Kupar Dkhar, Samla Shaniahskhem Dkhar uba long u Finance Secretary jong ka KSU EJHDU ha ka jingdon ryngkat Ma Cherity Suja Assistant Finance Secretary KSU EJHDU bad Samla Hamewanpynhun Ryngkhlem Publicity Secretary ka KSU East Jaiñtia Hills District Unit.
Na ka liang jong ka Seng ka bym juh ieh thylli ïaki paradoh parasnam kiba don ha ki jingeh jing shitom kala ïarap ha la ibor barit kum ka dak ka jing sngewlem ïa kane ka longïing ha kaba ka kmie kala khlad noh bad ieh noh ïa saw ngut ki khun ha kaba u kpa u bym da don ka kamai ka kajih ba biang ban ri ban sumar bad ban bsa ban pjiah ïa baroh saw ngut ki khun.
Na ka liang u Rangbah Shnong jong ka shnong Jalyiah ula phah ka khubor sngewnguh bad ai khublei sha ka Seng wat lada um shym la don ryngkat lang ha katei ka sngi .
U lah sngewnguh shi katdei eh ïaka Seng bad ula kitbok kitrwiang ïaki nongïalam ka Seng kiba don ka jing kitkhlieh ïaka khia ka shon ki paradoh parasnam ba kin nanglah ban shakri ïaka Ri bad ïa U Paid ka Bri u Hynñiewtrep Hynñiew skum hi baroh kawei.
