Shillong, Jylliew 14: Ka JSU W
ar Jaintia Circle ha ka jngialam u Secretary, u Kerrydiam Lamin ha ka 12 tarik june 2020 ka leit ban ujor sha ka office ka MeECL ha Jowai ia ka jingduna ha ki rkom khein ia ka bai light.
Katkum ka ujor ka JSU-WJC ka pan jngshai ia ka jingkhein ia ka bai light ba ha ka ka dor ba katno shi unit lah shim ha kine ki lai bnai naduh u Lber haduh u Iaiong namar ba un um lah ban khein kumba ju khein kata man u bnai katkum ka dor ba la buh.
Ka seng ka la ujor ruh ba bun na ki shnong ha ka Amlarem Sub Division ki la mad ia ka jingkhein iaka dor ba bakla ha kaba la don ruh ba ka MeECL ka kyntiew biang ar sien ia kaba la dep siew.
Don ruh ki khep ba la thoh bakla ia u meter reading. Kumta ka seng ka la dawa ba ka MeECL kan keh ei ei ia kane bad ban ai biang da kiwei pat ki bill light ong ka kyrwoh na u President ka JSU- WJC u Eddy Kery Pohtam.
