Shillong, Naitung 27: Ka seng KSU mynta ka sngi kala leit tur sha KHADC ban leit wad ia u CEM ban dawa na u ba u dei ban weng noh mar dor ia ka rai ban ai NOC ha kaba ia dei bad ka surok na Nongstoin sha Wahkji kumba la mih ha ki lad pathai khubor b aka Executive Committee kala shim ia ka rai ban ai NOC sha duh Wahkaji.
U Bah Wanlambok Marngar Chairman jong ka Emplyment Cell jong ka seng KSU central body haba kren ha ki nongthoh khubor mynta ka sngi ha phyllaw jong ka KHADC, u la ong ba ka jingwan jong ki mynta ka long ban wad ia kynduh ia u CEMjong ka KHADC u Bah PN Syiem ba dawa na u ba u dei ban pyndam noh ia ka rai jong ka EC ban ai NOC ban shna ia ka surok Two Lane na Nongstoin sha Wahkaji.
La ong ba kine ki surok baroh ki dei beit tan tih Uranium, kam don da kawei pat ka jingthmu, ka seng ruh ka kwah ia ki kam pynroi hynrei ym ban ia pein ia ka jaidbynriew namar kane ka surok ka dei beit naka bynta ka kam tih Uraniumha kaba ka seng ka pyrshah jur.
La ong ba ka seng kam ap beit ia u bahPN Syiembad kinw ad sha ei u don ban ia kynduh bad u ban dawa na u ba u dei ban wengnoh ia ka NOC, lad aka KHADC kam weng lada jia ei ei ki u Bah PN Syiem u hap ban shim ia ka jingkit khlieh. Haba ia dei bad kiwei ki MDC ruh ka longkum juh lada ki ia mynjur lang ia kane ka jingai NOC ki ruhki hap ban shim ia kajingkit khlieh lang.
Haba ia dei bad ka jingshah pynpaid ki iiet ha kamra trei kam jong u CEM bad kiwei ki kamra na ka liangjong u Bah Maengar u la kyntait ba na ka liang jong ka seng kam don bynta ei ei ruh em, ki wansha kane ka jaka jong ka KHADC ki wad ia u CEM bad haba um don ki ia iap noh ia u sha bar.
