Lmun La Ka Tynrai Basnah Bad Shohnia Da u bah Raphael Warjri

Ka long ka ba donkam ba ka ktien kan long ka ba snah bad shohnia khnang ha ba kren ne thoh ne pule ruh kan long ka ba tuid bad plih. Kumta ha ba shna thymmai ki ktien ruh ki dei ban long ki ba sngewtynnad ki paidbah ban pyndonkam bad khiathew ka jingmut katkum ba dawa kata ka kyntien ne ka ktien. Ha ba khmih na ki ktien shna ki ba la pyndonkam bad ki ba la pdiang paidbah na ka daw ba ki long ki ba snah bad plih ban kren, pule ne thoh, kum ia ka ktien Liengsuiñ- Aeroplane, Dewbilat- Cement, Motteinam- Monument, Dheng Kali- Traffic Jam, Miatdur- Aesthetics, Durim ne Durkhih- Film, Cinema,  Durmot- Statue, Kaikhlaw- Militant, Lehnoh, Ehrang- InsurgentRebel, Durboit- Cartoon Animation, bad kumta ter ter. Lada shim nuksa noh na ka rukom jingthoh bad ki jingmut ha la ki bynta bynta jong ka thoh ka tar, ha ba shim na ka ktien phareng, lah ban tyrwa jingmut ban shna ktien kynthup lang bad ki ktien ba la ju don lypa kumne harum:

Word– Kyntien (ba la don lypa)

Language– Ktien (ba la don lypa)

Book- Ka Kot  (ba la don lypa)

Text Book– Ka Kot Hikai: ka mut ki kot badei ban pule na ka bynta ban ioh hikai.

Sentence: Synropktien: ka mut ka synrop jong ki ktien bad kyntien ha kawei ka thup.

Paragraph– Dkhotktien: ka mut ka shi dkhot jong ki synropktien.

Chapter– Lynnong (ba la don lypa)

Citation- Sottip: ka mut ka ba sot na ka metbah jong ka jingtip shaphang kano kano ka bynta ha ka jingthoh.

Comic Book– Kotdur– (ba la don lypa)

Abstract– Pasohsani: ka mut ka thup jong ki pasoh ba la thoh sani ha ka jingtip ia kano kano ka phang.

Substance– Pasoh (ba la don lypa)

Synopsis– Pasohkhana: ka mut ka thup jong ka pasoh ka ba pura jingtip ia ka khana.

Prose- Thohlyngkien, Thohpura: ka mut ka ba la thoh ha ka rukom ka ba kham lyngkien bad pura ha kano kano ka jingthoh.

Verse- Thohtara: ka mut ka ba thoh da ka ba pynbiang tara ha ka sur kynnoh jong ki kyntien ha manla ka shi dkhot jong ka jingthoh.

Dialogue- Tienkren: ka mut ka ba thoh ia ki ktien ban kren ki tyngshop puron ha kum ka sawangka ne ka durim durkhih.

Anthology- Thiarkhana: ka mut ka thiar ba la lum lang manla ka shilynnong  ia ki khana ha kajuh ka thup jong ka kot.

Autobiography– Khanaimlajong: ka mut ka ba thoh khana shaphang ka jingim lajong shimet.

Biography– Khanaim: ka mut ka ba thoh khana shaphang ka jingim shimrt jong kiwei pat ki briew ha ka imlang sahlang.

Byline- Aikyrteng: ka mut ka ba ai kyrteng ia ki ba thoh ha kliar ka jingthoh.

Footnote– Skertduh: ka mut ka sker jingthoh ba buh ha tduh jong ka jingthoh.

Antonym- Tienkhongpong: ka mut ki ktien ka ba kit jingmut khongpong na ka kyntien ba la buh katkum ka jingmut ba shisha.

Synonym- Tiensyriem: ka mut ki ktien ki ba kit jingmut ki ba syriem katkum kata ka jingmut ba shisha jong ka kyntien.

Glossary-  Skerkyntien: ka mut ka thup jong ki kyntien ba la buh ha ka sker sha lyndet jong ka jingthoh.

Manuscript– Khanapura: ka mut ka jingthoh jong ka khana ne jingtip ba la dep thoh pura.

Myth– Khanatang (ba la don lypa)

Legend– Khananam: ka mut ki khana don nam jong ki longshwa manshwa ha ka longbriew manbriew.

History– Khanamynnor: ka mut ka jingthoh jong ki khana mynnor jonmg ki longshwa manshwa ha ka imlang sahlang.

Epic– Khanamsurtara: ka mut ka khana nam ki longshwa manshwa ha ki sur tara

Saga– Khananam Pateng: ka mut ka khana nam jong ka pateng longbriew manbriew ha ka imlang sahlang.

Satire– Kyohmynthi (ba la don lypa)

Masthead– Matkyrteng: ka mut ka khmat kyrteng ha kliar jong ka kot khubor.

Script– Khanathoh: ka mut ka khana ba la thoh.

Novel– Khanathaw: ka mut ka khana ba la thaw hi da ki thohjer thohnam.

Poetry, Poem– Surmyllung: ka mut ka jingthoh ha ki sur myllung ba shem mynsiem ha la dohnud bad ka ba ktik jingmut ha janor.

Plot- Matkhana: ka mut ka mat kongsan jong ka khana.

Rhythm– Khriang (ba la don lypa)

Academic, Academician– Stadphrang: ka mut ka ba stad ban phrang ia ki jingtip ba kynsai.

Author– Thohjer Thohnam: ka mut ki briew ki ba tbit ha ka thoh ka tar da ka ba jer ka ba nam katkum ka khana ne ka jingtip ba ki thoh. Lah ban pyniapher ia kine ki shijur ki ktien kynnoh kum ka thohjer ka ba dei ia kiei kiei ki ba shisha (non-fiction) bad thohnam (fiction).

Editor– Taithoh: ka mut ia ki thohjer thohnam ki ba thoh da ka ba la tai sani shwa ban pynmih ia ka thup jingthoh.

Colloquium– Shlemphrangnia: ka mut ka shlem ba ia phrang ia ki nia ki jutang.

Debate- Tyrkonia: ka mut ka ba ia tyrko da ka ktien ban pynksan la ka nia.

Seminar– Shlemmirnia: ka mut ka shlem ba ia mir ki nia lyngba ki jingthoh jong ki thohjer thohnam ba la pule ha lympung.

Symposium– Shlemtainia: ka mut ka shlem ba ia tai da ki nia lyngba ki jingthoh jong ki thohjer thohnam ba la pule ha lympung.

Workshop– Lyngwiartrei: ka mut ka lyngwiar ba trei ki dkhot ha ka lympung trei lang.

Antagonist– Khlurkynran: ka mut u ne ka khlur tyngshop puron ba kynran ne pyrshah ia ki tyngshop puron ba kongsan ha ka khana.

Character– Tyngshop Puron (ba la don lypa)

Protagonist– Lurlamkhmat: ka mut u ne ka khlur tyngshop puron ba lam khmat ha ka khana na ka bynta ka thup jingthoh.

Pseudonym– Namsinrieh: ka mut ka kyrteng ka ba nam da ka ba shu sin ban buhrieh na ki paidbah ia ka snap ba shisha jong ki nongthoh.

Plagiarism– Thohsottuh: ka mut ka ba thoh da ka ba shu sot tuh na kiwei khlem ainam bad kam trai pat ha lade.

Archive- Thiartyngkai: ka mut ba buh thïar ban tyngkai ia ki dulir barim bajah.

 

 

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet