Shillong, Nail
ar 18: Mynta ka sngi ka tand ka kit ka bah jong ka sorkar jylla ryngkat bad ka ophis jong u Deputy Commissioner jong ka East Khasi Hills kila pynlong ia ka jingialang paidbah ban pynsngewthuh ia ka jingdon kam kumno ban leh kaba niah kali ha surok. Ka ktien pyrta jong kane ka jingialang ka long “ ka jingshngian ka jong phi, ka dei ka shngian jong ka iing ka sem, husiar haba don ha surok”.
Haba kren kum u kongsan ha kane ka sngi ha kaba bun na ki nongwan ia shim bynta dei tang ki khynnah skul jong kane ka nongbah Shillong, na ka liang jong u myntri u Bah HDR Lyngdoh u la ong ban long kiba adakar haba niah kali kan pynlait na bun ki jingiatyngkhuh kali. Ha kane ka sngi na ka liang jong u myntri u la ong ba ka PWD ka dei ban peit ia ki suork kiba don ia ka jingma kum ki maw kiba don sha ranap jong ka surok.
Na ka liang jong u myntri u la ong haba niah kali da ka jingsngewthuh bad don ka jingtip ia ki kyndon kumno ban niah kali kane kan iarap shibun ha kaba pynlait ia shibun ki mynsiem briew. U la kyntu ia ki paidbah ba kin pynsngewthuh lem ia kane sha ki para marjan mar pa.
Ha dien jong ka jingialang na ka liang jong u myntri u la khaweh lama ruh ia ka jingiakynhun jong ki bike bad ki briew kum ka jingrakhe ia kane ka sngi kumno ban kiar ha surok ban lait na ka jingmynsaw. Kiwei kiba la kren ha kane ka sngi ki long u Chief Secretary u Y Tsering, u DGP jong ki Pulit u Dr S B Singh bad kiwei kiwei ki heh sorkar.
