Shillong, January 24: ka ICAR Research Complex na ka bynta ka NEH Region, Umiam, mynta ka sngi kala plie paidbah ia ka skhim kaba la tip kum ka ‘The Poultry Seed Project’ (PSP) ia kba yn bei pisa da ka ICAR. Ha kane ka sngi u Secretary jong ka North Eastern Council (NEC) u Ram Muivah, u long u kongsan.
U Dr. R.N.Chatterjee, Director, ICAR-DPR, ba na Hyderabad u long u symbut kongsan, ha kaba la ia don lang u Dr. K.Kharmihpen, Joint Director, ka tnad Veterinary bad Animal Husbandry jong ka sorkar Meghalaya; Dr. N. Prakash, Director, ICAR-RC na ka bynta ka NEH Region; Dr. S.V. Ngachan, Director ba mynshuwa jong ka ICAR RC na ka bynta ka NEH Region; Dr. K.K.Baruah, u khlieh jong ka Livestock Division, ICAR na ka bynta ka NEH Region; Dr. Sunil Doley, PI, Poultry Seed Project; Dr. M.Niranjan, Co-PI, Poultry Seed Project; Dr. Niranjan Kalita, u khlieh jong ka Poultry Science Department, A.A.U., Khanapara,; Dr. U. Rajkumar, Principal Scientist and incharge PSP, DPR, Hyderabad and representatives from the state Veterinary and A.H. Department, Meghalaya.
Dr. K.K.Baruah Head of Livestock production division, u la pdiang sngewbha ia ki dkhot kiba wan sha kane ka jingialang bad u la batai shaphang kane ka skhim u Dr. Sunil Doley, Principal Scientist bad Principal Investigator, Poultry Seed Project u la batai ha kaba ia dei bad kane ka skhim bad kane ka skhim kan lah ban pynmih haduh shilak tylli ki khun syiar bad kane kan iarap ia ki nongrep jong ka jylla Meghalaya bad kum juh ia kane ka thain baroh kawei.
Ha ka jingkren jong u Ram Muivah secretary jong ka NEC u la ai ka jingiaroh ia ki scientists bad u la pynpaw ia ka jingsngew kmen ka jong u ia ka jingmyntoi ban ioh na kane ka skhim. Na ka liang jong u Secretary ka NEC u la ong ba dei ban kham shim khia ha kaba ia dei bad kum kine ki skhim bad kane kan long ka jingmyntoi kaba khraw ia kito kiba rep ba riang.
Ha kane ka sngi u kongsan u la buh ia u Mawnongrim ia ka iing bun mala na ka bynta ban buh syiar kaba dei shi bynta jong ka skhim PSP. Ha ka jingkren jong u Dr. R.N.Chatterjee, Director, ICAR-DPR u la batai ia ka rukom ri ia ki syiar kiba kham bha na ka bynta ban kham pynkhlain ha kaba pynmih ia ki syiar kha pylleng ha kane ka thain.
U Dr. K.Kharmihpen, Joint Director jong ka tnad Animal Husbandry, Government jong ka jylla Meghalaya u la ai ka jingiaroh ia kane ka tnad jong ka ICAR kaba dei ha liang jong ka kam ri jingri. Ha kane ka sngi la don lang ruh shibun ki nongrep. Ia ka jingkren ai khublei la aid a u Dr. M.Niranjan, Principal Scientist, Livestock Production Division ia baroh kiba la ia poi sha kane ka jingialang.
