Lum jingialang ka KHADC ia ki nongkhaii jhur, pat ai jingbit ka sorkar ban shallan sha bar jylla

Shillong, Jymmang 04: U Chief Executive Member jong ka KHADC u bah Titosstarwell Chyne mynta ka sngi u la lum ia ka jingialang jong ki nongkhaii jhur ban ia kren halor ka jingeh jong ki nongrep.

Haba kren ha ki lat pathai khubor ha dien ka jingialang u la ong ba la ioh ia shibun ki jingud jingnam jong ki nongrep dei halor kane ba la khot ia ka jingialang mynta ka sngi bad ki nongkhaii jhur, hooid hapdeng kane ka lockdown bad ka korphiew bad ka jingkhang ia ki iew khamtam ka iew duh kala ktah ia ka kamai kajih khamtam ia ki nongrep.

La ong ba kane ka dei ka por ba ki nongki dang pynmih ia ki marrep  bad ki nongkhaii na kane ka jylla ki juh thied ban shallan shabar mynta um iaid iew sha bar, lada peit ia ka jingiadei ia thied hapoh ka jylla ka duna bha bad ki nongrep ki hap ban shu die tad ia ki marrep jong ki namar u dei mar pyut kila hap ban shu bret kane kala ktah ia ka ioh ka kot jong ki paidbah nongrep.

Ka jingkhot ia kane ka jingialang ka long ban ia phylliew jingmut bad ki kiba la juh trei ia kane ka kam la bun bun snem bad ha dien ba la phylliew jingmut bad la sangap na baroh, na ki nongmih khmat, u Syiem jong ka hima Mylliem bad ki nongkhaii kila shim ia ka rai ban thoh sha u myntri rangbah ka jylla ban plie ia ka Iewduh.

Ha kane ka jingkyrpad ia u myntri rangbah lyngba ka District Administration ban plie noh ia ka Iew dielang hapoh Iewduh tang ia ka iew jhur kaba ki nongrep ki juh wanrah ia ki marrep, hooid ka sorkar kala plie ia ki iew dielang ha ki katto katne ki jaka ka jingeh ka long ba kito ki jaka kim don ia ki godown kiba biang khamtam kane ka dei ka por lyiur lada ym don jaka buh u marrep u pyut noh.

Ha ka juh ka por ka sorkar ka dei ban ai jingbit tang ia ki katto katne kata ka long ban ia pynbeit lang ba ka dei ban long tang 20 lane 30 ngut ki nongkhaii bad ban bud ia ki kyndon kiba la buh na ka sorkar bad ka KHADC kan phah ia ki enforcement bad ki nongrep kin wan da ki kali ba kin kit kumba juhlong man ka por kane kan iarap ia ki nongrep.

Ka KHADC kan kyrpad ruh ia myntri rangbah ka jylla Meghalaya ban ia kren bad u myntri rangbah ka jylla Assam ban ai jingbit lang ia ki nongkhaii ban kin pynpoi ia ki marrep sha kito kijylla kumba ki juh pynpoi kum ha ki por kiba la dep.

U CEM u la iathuh ba ka jingiakren mynta ka sngi ruh ka long halor jong u syieng namar u la dei u wei na ki marrep ha thain Ri Bhoi bad ka sorkar kala dei ban plie ia ki iew dielang ha Bhoi la ka dei ka Bhoirymbong lane ha Umsning ba kinongrep kin ioh ban die namar kane kala jan dei arta ka por kut jong u ne u marrep. Lada ym lah ban pyniaid iew kan long ka jingduh kaba khraw ia ki nongrep.

U CEM jong ka KHADC la ong ba la ia kren ruh ha kaba ia dei bad ka jingpyniaid iew ia u kwai, synsar, sohmrit khlaw bad kine ruh ki dei ki marrep halor kine ruh ka kyntu ia ka sorkar ba kan peit ia kine ki jingeh kaba ki nongrep ki ia kynduh.

Ka kong Jesica Malangniang kawei na ki khaii jhur kala ong ba haduh mynta ka sorkar Meghalaya kam pat ai jingbit ia ki nongkhaii jhur na kane ka jylla ba kin lah ban phah ia ki jhur sha bar jong ka jylla, kane ka jingbym pat ai ka sorkar ia ka jingbit kala ktah ia ki nongrrep jhur. Lada ka sorkar Assam kala ai jingbit kan bha lada ka sorkar Meghalaya ruh kan ai jingbit.

Ha kane ka sngi la don lang ruh u Deputy CEM u Bah Gigur Myrthong, ki EM baroh bad na ka liang jong ka Hima Mylliem la don u Syiem pa,im Ainam Manik Syiem ki myntri bad ki nongkhaii jhur lang. Ia kane ka rai ba la shim mynta ka sngi ka KHADC kan sa phah sha u Mytnri rangbah ka jylla u Cornad K Sangma mynta.

 

 

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet