Shillong, Naiwieng 13
: U myntri rangbah ka jylla u Conrad K Sangma mynta ka sngi u la lum ia ka jingialang, ia baroh ki DC, ki BDO jong ka jylla ban ia kren kumno ban pyniaid sha khmat ia ki skhim jong ka sorkar pdeng lyngba ka Video Conferencing na nongbah Delhi.
Ha kane ka jingiakren bad ki DC, ki BDO, u myntri rangbah u la ia kren ia ka jingpyntrei kam ia ka skhim MG-NREGS, Pradhan Mantri Awaas Yojana (PMAY), National Social Assistance Programme (NSAP) bad Swacch Bharat Mission.
Ha kane ka jingiakren u myntri rangbah u bethah ba ki dei ban pyndep ia ki jingtrei baroh katkum ka por kaba la buh bad ia kiba la pynslem dei ban buh da ka thong lano ban pyndep ia ki jingtrei khang ba ki briew jong ka jylla kin ioh ia ka jingmyntoi.
U myntri rangbah ha dien ka jingiakren bad ki DC, ki BDO da ka Video Conferencing ka long kaba myntoi ha kaba la lah ban peit ia ki skhim kumno la pyntrei khamtam eh sha ki nongkyndong. Kane ka jingleh ka long ban pynpoi ia ki bor jong ka sorkar kham jan sha ki paidbah.
