Lum jingialang u DC Nongstoin ia ki ophisar ban pynkhreh ia ka MDC Ilekshon ha KHADC

Nongstoin, Naiwieng 19: U Deputy Commissioner jong ka West Khasi Hills District u bah T . Lyngwa mynta ka sngi u la khot ia ka jingialang ia ki ophisar baroh kiba dei bad ka tnad ilekshon kiba hap hapoh jong ka West Khasi Hills District.
Ka jingkhot ia kane ka jingialang ka long kum ka jingpynkhreh na ka bynta ka MDC ilekshon sha ka iing dorbar jong ka Khasi Hills Autonomous District Council (KHADC) ka ban long ha u snem 2019. Kane ka jingialang ka long ba kumno ban leh ha kaba pyniaid beit ia ka ilekshon.
Kiba la ia poi sha kane ka jingialang kaba la khot mynta ka sngi ki long u Superintendent ki pulit jong ka West Khasi Hills u Bah GD Kharwanlang lem bad ka kynhun jong u, ki additional deputy commissioner, baroh ki khlieh jong ki shnat sorkar kiba don hapoh jong ka West Khasi Hills District.
Ha kane ka sngi la ia kren ruh halor ka sngi ban rakhe ia ka National Voters Day ka ban long ha ka 25 tarik jong u bnai Kyllalyngkot 2019. Ha kane ka jingialang la shim ia ka rai ban pynlong ia ka jingiamareh bad kiba kwah ban ia shim bynta kin lah ban kynduh ia u District Sport Ophisar jong ka WKH District.

What Next?

Recent Articles

Leave a Reply

Submit Comment

*