Shillong, Nailar 02: u President jong ka HNYF jong ka West Jaintia Hills u bah Howniwat Sutong mynta ka sngi la ong ba lyngba ka RTI kaba kila ioh na ka ophis jong u District Medical Health Officer jong ka Jowai ba la thug kam ia ki 19 snem khlem da bud ia ki kyndon.
Haba kren ha ki lat pathai khubor ha Shillong Press Club mynta ka sngi la ong ba ka seng halor katei ka RTI kaba kila lap mynta ka sngi kila leit ban ujor sha Director ka tnad ka koit ka khiah ban weng noh ia kitei ki nongtrei bala thung khlem da bud ia ki kyndon la kynnoh ka HNYF.
U bah Sutong la ong ba ka jingkynnoh ba ka rukom thung ka long beain namar ba khlem bud ia ki kyndon kiba la buh bad ki dei kiba khlem pat pass ia ki eksam na ka District Selection Committee da ki ophisar ne la leh lang da ka jingiatip lang ki ophisar ruh ym pat lah ban tip.
La ong ba ia kine ki 19 ngut la thung naduh u sem 2014, ka jingkylli ka long lada don kam kyrkieh balie ym thung shuwa kiba don ha ka lynti ba ki dang ap ban shah thung kam kiba la don kyrteng ha DSC kata a jingkylli.
Ka seng ka dawa ba dei ban weng kam noh mardor lada kim leh ia kaba don kam kin sa leh ia kaba don kam da kaba leit ban jur sha ki bor ba halor lane wat ban leit sha iing bishar ban ujor ia kane ka jingleh beain la kynnoh u President ha HNYF ka West Jaintia Hills bah Sutong.
