Nongpoh, Kyllalyngkot 23: Mynta ka sngi ka ophis jong ka Block Coordinator jong ka Ri Bhoi Distrik ba dei peit ia ka Swatch Bharat Mission kila leit ban sam ia ki borti bret niut sha ki ar tylli ki shnong ka Pdengnongrim bad ka Lamkhon kine ki hap hapoh jong ka Mawhati Konstitwensi.
Ki ophisar kiba dei na ka Swatch Bharat Mission kiba la don ha kane ka sngi ki long u Bah Kynjoh Rangtong ba dei Block Coordinator, Bah Edward Lamoo na ka tnad sam um bad ka kong Imerine Syiemiong kaba dei peit ia ka khuid ka suba.
Kane ka jingsam ia kine ki borti bret niut ka long ba wanrah ia ka khuid ka suba hapoh ka shnong ka thaw. Kitei ki ar tylli ki shnong kila ioh ia shibun ki jingmyntoi lyngba ka Swatch Bharat Mission, ka jingai ia kitei ki borti bret niut la sam ha baroh ki thliew iing jong kitei ki ar tylli ki shnong.
