Lyngba ki jingbitin lynti bad jinghikai ki khynnah kin long ki khlur ka Ri: Justice Mir

Shillong, Naiwieng 17: U nongbishar rangbah jong ka High Court jong ka jylla Meghalaya u Justice Mohammad Yaqoob Mir u la buh ia u mawnongrim jong ka skul na ka bynta ki khynnah “Juvenile” ha Mawkasiang ka ban long na duh klass I haduh Klass X.

Ha ka jingkren jong u Justice Mir, u la ong ba ka jingnang jingstad ka long kaba don kam na ka bynta jong ki khynnah kiba sah ha ki iing na ka bynta ban pynbeit ia ki khynnah bad kane ka long kaba don kam.

Lyngba kane ka skul yn sa ai ka jinghikai ia ki khynnah ban sain dur thymmai ia la lawei ka jong yn tang ha ka jingpule hynrei ha kino kino ki kam ba ki lah ban trei lyngba ki jinghikai ban ai ia ki ha kane ka skul katkum ka Juvenile Justice Act.

Haba kila wan phai sha ka imlang sah long kan long ka jingmyntoi ia ka jylla bad ia ka Ri baroh kawei. U don ka jingkyrmen ba kane ka skulk am dei tang ban hikai ia ka jingpule hynrei kan ai jinghikai ruh ban long ki briew kiba wanrah jingmyntoi ha ka imlang sah lang.

Ka jaka ban tei ia kane ka skulk an heh kumba 25,000 skwer phut bad ka jinglut na ka bynta kane ka skul kan long san klur tyngka. Kiwei kiba la kren ha kane ka sngi ki long u Justice SR Sen u ba dei peit ia ka Juvenile Justice Committee, Meghalaya bad u Bah E Kharmalki Director jong ka tnad Social Welfare.

Kiwei kiba la ia don lang ha kane ka sngi ki long u Bah H Marwein additional Chief Secretary jong ka sorkar Meghalaya  ba dei peit ia ka Social Welfare Department u bah T Dkhar  Commissioner  bad  Secretary, Social Welfare Department. Bah W Khyllep Secretary ka Law Department bad kiwei kiwei ki heh sorkar.

 

 

 

What Next?

Recent Articles

Leave a Reply

Submit Comment

*