Lyngba u Lat ka jylla phah dorkhas u bah Sanbor sha u President halor ka CAB

Shillong, Naiwieng 19: U Bah Sanbor Shullai MLA jong ka 19-Shillong South Konstitwensi mynta ka sngi u la leit ban ia kynduh ia u Lat jong ka jylla u Tathagata Roy ban phah ia ka dorkhas lyngba jong u sha u president jong ka Ri India ban kyrpad ban pynlait ia ka jylla Meghalaya na ka Citizenship Amendment Bill lada ka trei kam.

Ha ba ia kren bad ki lad pathai khubor hadien ba u la dep ia kynduh ia u Lat u Bah Sanbor u la pynkynmaw ba ha u snem ba la dep ruh u la phah ia ka jingthoh sha ka sorkar pdeng ban pynpaw ia ka jingpyrshah jong u ia ka CAB bad ban kyntu ia ka sorkar pdeng ban mym pyntrei kam ia ka CAB ha ka jylla Meghalaya.

U bah Sanbor u la ong ba kumba ka paw, ka sorkar pdeng kan nym pyntrei kam ha kito ki jylla kiba la don ia ka Inner Line Permit, hynrei haba ia dei bad ka jylla Meghalaya ka bym don ia ka ILP lah ban pynlait ia ka jylla katkum ka artikle 244 jong ka paragraph 12A(b) jong ka Sixth Schedule.

Katkum katei ka artikle 244 la ai bor ia u president jong ka Ri india ba u lah ban pynlait na ka jingtrei kam jong ki ain ka sorkar pdeng da kaba pynmih ia ka jingpynbna lyngba u president jong ka Ri India.

Na ka liang jong u Bah Sanbor u la ong ba dei halor kitei ki nongrim ba u la leit ban ia kynduh ia u Lat ka jylla ban ai ia ka dorkhas sha u president jong ka Ri lyngba u lat jong ka jylla. U bah Sanbor u la ong ba ia kane ka kam u la leh kum u nongmih khmat paidbah ym na ka party.

 

What Next?

Recent Articles

Leave a Reply

Submit Comment

*