Shillong, Iaiong 21: Mynta ka sngi ha ka por 12.51 baje noh phai sngi u phrai u la lynshop ia ka shnong Lapangap kaba hap hapoh jong ka Thadlaksien Block jong ka West Jiantia Hills District ha kaba 86 tylli ki long iing kila julor.
U Bah Saikal Sumar Secretary jong ka shnong Lapangap pyllun haba kren ha u SP News Agency u la iathuh ba kane ka jingjia kala jia mynta ka sngi ha ka por 12.51 baje ei ei shiteng sngi, ha kane ka jingjai kam shym don mano mano ba mynsaw.
Na ka liang jong ka shnong kala pyntip ia kane ka jingjia sha u Deputy Commissioner jong ka West Jiantia Hills District bad kum juh sha u BDO jong ka Thadlaskein Block. La iathuh ba kane ka shnong ka don ha khappud bad ka jylla Assam.
La iathuh shuh shuh ba kane ka jinglynshop jong ka mariang hapoh kane ka shnong bad mynta ka sngi ka dei ka sien kaba ar. Dang ha kine ki sngi kala wan ka jinglynsop jong ka mariang ha kaba kila don ki iing kiba la julor.
