Shillong, Naitung 07: Ka Khasdsawphra Sport Association (KSA) Mariang kala maham tyngeh ia ki trok kit dewiong kiba leit ban rung sha kane ka madan jong ka seng kaba don ha Mariang ban phet rieh na ki pulit.
Na ka liang jong ki nognpyniaid ia kane ka madan kaba don ha Mariang kala maham ba lada nangne sha khmat ki dang lap ia kino kino ki trok kiba leit ban phet rieh sha kane ka madan ialehkai kynat boll jong ka KSA kin bat ia ki kali.
Ha ka juh ka por ka KSA ka kyntu ruh ia kito kiba juh leit ban hikai niah kali ha kane ka madan ba kin sngewbha ban nym leit hikai niah kali ha kane ka madan namar ka pynjop ia ka madan ia lehkai. Ki nongpyniaid ka KSA kila bethah ia u nongap karod ha kane ka jaka ban nym shah ia ki kali ban rung sha madan.
U Bah Boldness Lyngdoh Nongum u ba dei u wei na ki dkhot jong ka seng KSA, u la iathuh ba ka long kaei kaei kaba sngewsih ban iohi ba ki trok ki rung sha kane ka jaka ban phet rieh na ki pulit na ka liang jong ki nongpyniaid ia kane ka madan kila ioh ban shondur ia kawei ki trok kaba la rung ha kane ka madan.
La iathuh ruh ba kine ki trok kiba rung sha kane ka madan ym tang baki rung da kabor hynrei kida kren tohmet ruh ia u nongap karod ha ba u kren ia ki ba kim bit ban rung ha kane ka jaka.Dei halor kane ba kum ka KSA kam banse ba maham da kaba tyngeh ia ki trok kit dewiong kiba leit ban rieh sha kane ka madan ialehkai ka KSA.
