Shillong, Nailur 12: Ka KSU Mawkyrwat Circle kum shibynta ban pynsngew shaki paitbah jong ka dong ka thain halor ka jingsdang ban ioh suhkhlieh jong ki bar jylla haki kam bylla jongki hapoh ka thain.kane ka jingiohlad jong ki briew kiba nabar ban wan trei wan ktah kala long ka jingtim iaki paradoh parasnam.
Ha ka jingshisha ka seng ka pdiang kylluid ia kino kino development kiba wan haba shit,haba shai naka bynta ban im ja,im doh jong ki trai ri trai muluk.phewse kilong da khongpong hadien ka jinglap bad ioh bat manla ki por iaki bar jylla bad ki mynder ri kiba kim tip naei ki wan naei ki mih.
kumta ka seng kam banse ban phah ia kane ka kyrwoh jingmaham ia kino kino ki briew la ki dei ki contractor,ki nong shong dukan ne kino kino ki briew ba kim dei ban dang wan ialam ia ki bar jylla nangne shakhmat hapoh ka thain Mawkyrwat da ka jingthmu ban phah bylla sngi ne ban ialam lynti haka khaii pateng hapoh jongka dong ka Thain.
Kumba ka long mynta ia ka Mawkyrwat hi baroh kawei la synshar hi da u khasi ha ki liang baroh naduh u nongsuh shatri, nongsuh juti,nong die dud,nongkhap sniuh, haduh ki nong shong dukan. kumta kum ka seng kaba don ia ka jingkitkhlieh iala ka dong ka thain habaroh ki liang bad ban pynthikna ba ka dong ka thain kan kiew kan san bad kan roi kan par ha kata ka lynti kumba la pynskhem daki longshwa manshwa.
Kum ka seng kim kwah ba ka Mawkyrwat kan kylla long kum kawei na ki jaka ba ia shong khleh jait bynriew ne ba kiwei ki jaidbynriew ki wan knieh noh ia ka khaïi ka pateng bad ka kamai kajih kumba ka la jia long ha nongbah shillong, haki jaka khappud bad kiwei kiwei de ki jaka jongka Ri Khasi Jaintia.
Ka seng kan nym ailad ia ki shnong ki thaw ba kin ai jaka ia ki bar jylla ba wan khaïi hapoh ki shnong ki thaw jong ki bad ruh ban wan kit ia ki marrep marriang kaba ki nongrep ki ju pynmih naka por shaka por. haka juh ka porka seng kamlah ban khlem da iaroh iaki nongialam jongki shnong bapher bapher hapoh ka dong,kathain kiba ju iai kyrshan bad ai mynsiem ia ka seng halor kane ka bynta.
Ka seng ka maham tyngeh pyrshah ia kontraktor,malik,ki riewshimet ne kino kino kiba wan ialam ne ailad iaki bar jylla ban trei ban ktah hapoh u pud u sam jongka ksu mawkyrwat circle bad lada danglap nangne shakhmat ka seng kan leh da kaba tyngeh. kane ka long ka kyrwoh na U Samla Plosborlin Kharjahrin Organising Secretary KSU Mawkyrwat Circle.
