Shillong, Jymmang 22: Ka Khasi Student Union Sohra Circle hapoh ka Jingialam u President U Samla Mesadapbor Skhembil haka jingiadon ryngkat u Education Secretary Ka KSU South Khasi hills District Sohra u Samla Ethelbert Khongrymmai Ryngkat bad ki Dkhot Jong Ka Seng ban Leit jurip ia Ka Jingtrei Surok ha thain Khatarshnong Sohra.
Kane ka jingleit jurip ka long ha dien ba ki Synjuk ki Rangbah Shnong Khatarshnong ba ka lah don ka Jingtrei Surok ba lah pyntrei da u Contractor u Bah Homi Khongsit uba lah wan ialam ruh da ki Nongtrei Bar Jylla ki bym shim la biang ki Kot ki sla Kum ki Labour license bad Work permit .
Halor katei ka jingujor ka KSU rygnkat ki Synjuk ki Rangbah Shnong Khatarshnong bad ki Nongialam KSU Sohra Circle ki lah hiar Sha Civil Sub division Sohra ban Leit ia Kynduh ia u SDO Civil Subdivision u Bah A Mukhim haka jingiadon Ryngkat u SDO PWD bad U JE PWD uba dei ia Ki Surok Jong Ka Thain Khatarshnong.
Ha kane ka jingiakynduh na ka liang jong u SDO Civil Subdivision u lah pynpaw bad kren Shai ba kim lah ban wan ialam ia ki Nongtrei kiba nabar State, hynrei kaba sngewkhia ka long ba na Ka liang u SDO PWD u Bah Stadhi Nongrum, bad U JE u bah Arwat Kurbah ki lah sakhi ha khmat u SDO Civil Subdivision ba kine ki bar Jylla ki dei kiba na Shillong.
Hynrei kaba Pynlyng ngoh Pat iaka Seng ka long hadien ba ka Seng ka lah Leit ban jurip ka lah lap Pynban da ki Nongtrei Bar Jylla kiba na Uttar pradesh bad na Bihar. Halor kane ka seng ka pynrem jur ia u u SDO ka PWD bad u JE PWD Ryngkat u Contractor ba kim shim la Suidniew bad iaid lait na ki Synjuk Rangbah Shnong Khatarshnong bad ki khlem da pyntip ba lah wan ialam ia ki Nongtrei Bar Jylla.
Kaba ka seng ka sngewlyngoh ba khamtam kKum ha kane ka por ba dang don hapdeng ka Lock down, haba wat tang Para Khasi ruh lah pyrkhing ruh ban ialeit iawan na kawei ka District Sha kawei District.
Te Kumta naka liang ka KSU Sohra Circle ka lah maham jur ia baroh ki kontrktor ne kino kino ki riew shimet ba kim bit satia ban wan ialam ia ki nongtrei bar Jylla katba ka dang don hapdeng ka Lockdown, kane ka long katkum ka kyrwoh kaba la phah da u u General Secretary u Samla Vicky Mawnai.
