Shillong, Rymphang 13: Ka kynhun ki seng samla pule jong ka dong shatei lam mih ngi jogn ka Ri India hapoh ka lama jong ka North East Students’ Organisation (NESO) kaba kyntup ia ka Khasi Students’ Union (KSU), All Assam Students’ Union (AASU), Naga Students’ Federation (NSF), Mizo Zirlai Pawl (MZP), Twipra Students’ Federation (TSF), All Manipur Students’ Union (AMSU), Garo Students’ Union (GSU) and All Arunachal Pradesh Students’ Union (AAPSU).
Ka NESO, ka ai khublei kyrpang ia baroh ki rit paid jong ka dong shatei lam mih ngi jong ka Ri India namar dei ka jingtrei shitom jong ki baroh kaba la pynlong ba ka sorkar pdeng kam shym lah ban wanrah ia ka Citizenship (Amendment) Bill 2016 hapoh Rajya Sabha mynta ka sngi.
Ka NESO ka pynpaw ia ka jingsngewnguh kaba khraw ia baroh kito kiba la pyrshah ia kane ka bill iakjakor kham tam eh ia ka sorkar Meghalaya hapoh ka jingialam jong u Conrad K Sangma kum u myntri rangbah ka jylla, ka sorkar Mizoram hapoh ka jingialam jong u Zoramthanga, baroh ki seng bhalang kyntup ruh ia ki seng long kmie kiba la ieng pyrshah ia kane ka CAB 2016 jong ka sorkar NDA.
Ka jingkhublei kyrpang ruh ka long ia u myntri rangbah jong ka jylla Bihar u Nitish Kumar u ba la lahb an rah ia kane ka rai ban pyrshah ia ka bill CAB 2016 jong ka sorkar hapoh ka “National Executive Council” jong ka party JD(U). Ka jingkhublei ka leit ruh sha ka Shiv Sena, Congress (I), SP, BJD, TMC, DMK, SAD, NPP, AGP,TDP, BPF kiba la ai ka jingkyrshan ban pyrshah ia kane ka Bill iakjakor ka sorkar NDA bala ialam da ka BJP.
Ka NESO ka ai ka burom kaba kayrpang sha baroh kito kiba la mynsaw ha kane ka jigniakhih pyrshah ia ka CAB, kum ki samla na Tripura, Manipur, Assam bad ka seng ka kitbok ia ki ba kin ioh noh ia ka jingkoit jingkhiah namar ka jingshah shitom jong ki kam shym la long kaba sep ei.
Kane ka jingbym lah jong ka sorkar BJP ban wanrah ia kane ka Bill hapoh Rajya ka dei ka jingjop ia ki paidbah ka dong shatei lam mih ngi jong ka Ri India, kane kala wan urlong namar ka jingiai beteng jong ki briew kane ka thain ban pyrshah ia kane ka Bill da ki paidbah kane ka thain.
Ka NESO ka iakhih na ka bynta ban iada ia ki rit paid jong ka dong shatei lam mih ngi jong ka Ri India, ha ka juh ka por ka NESO ka ai ka jingmaham ia ka sorkar pdeng ba kam dei ban wan rah ia kino kino ki polisi trei kam jong ka kaba long pyrshah ia ki rit paid jong ka dong shatei lam mih ngi jong ka Ri India, la ong u bah Samuel B Jyrwa Chairman bad u Sinam Prakash Sing Secretary general ka NESO ha ka khubor bala pynlait mynta ka sngi.
