Shillong, Nailur 26: U president jong ka seng FKJP u bah D Khongsit la iathuh ba ka seng kala pynlong ia ka jingwat bniah ha kaba ia dei bad ki khun samla kiba khlem kam khlem jam bad kila don bun ngut kiba la wan sha ka seng ban ia kren ia kane ka jingeh ha ka ioh kam ioh jam.
U President ka seng FKJGP u bah D Khognsit la ong ba ym lah shuh ban shu shong kli kti namar ba kane ka jingeh kaba ki samla ki ia kynduh ha kane ka jylla ka shu long tang ka jingiakren ha Assembly na ka liang pyrshah bad ka sorkar ka jubab ba ki don ki kam kiba lait ba haduh mynta ym lah ban thung kam ha kito ki kam kiba lait.
Haba ia dei bad kane ka seng kala rai ban pynlong ia ka jingiaid paidbah ha ka 21st Risaw 2022, kane ka jingiaid paidbah kaba kin lum lang ia ki khynnah samla baroh kiba kynduh ia kane ka jingeh, namar ka jingbym shim khia ka sorkar ki samla ki duh jingkyrmen ha ka lawei ka jong ki bad bun sien ki hap noh ha ki kam sniew.
U bah D. Khongsit u la kynnoh ba kito kiba ioh kam kontrak dei tang kita kiba tip lynti, ka jingthmu ban pynlong ia kane ka jingiaid paidbah ka long ban dawa na ka sorkar ba ka dei ban pynduh noh ia kane ka jignthung kam kontrak.
Ha ka juh ka por na ka liang jong ka seng ka ai ka jingmaham ia ki kompeni shmet kiba don ha kane ka jylla,namar ka seng kala shem ba ka juh don kata ka jingshah shim kabu ia ki khun samla kynthei da kaba pyndik kane ka dei ka jingmaham bad lada ka seng ka dang iohbiang ia ki jingujor kim banse lada don kam ban shim ia ka ain ha kti la jong ruh ki hap ban shim.
Haba ia dei bad ka jingpynlong ia ki jingkyntip ha kaba wad kam dei ban pynlongha khmat ki komera ban nym don kano kano ka jingshah pyndon kam bakla, lada ki samla kiba sngew ba kila lah bha ki lah ban pan biang ia ka jubab jong ki bad ka jingkwah jong ka seng ka long ba ka dorkar ka dei ban leh.
Haba ia dei bad ka jingbuh ia ki nongai jingmut, ha baroh ki tnad sorkar balei hap ban buh, ka sorkar ka dei ban pynshai haba thung ia ki nongai buid hato ka sorkar ka duhnong ne ne ka ioh noh namar ka sorkar ka pynlut da ki klur tyngka haba thung ia kine ki nongaijingmut.
Haba ia dei bad ka jingdon ki samla wat kam bad ka jinglait ki kam ka long tang 10% na ka shispah, ka seng lyngba ka don ia ka bynta ban pynshlur ia ki khum samla ba kin seng kam la jong da kaba mih sha khmat bad ka seng kan dang ia kynduh ia ka sorkar ba kan pynshlur ba ki samla ki seng kam la jong. Katkum ka jinglap ka seng ki samla khlem kam ha jylla ki don haduh 16,0000 lak ngut.
