Shillong, Nailar 07: Ka jingiamir jingmut bad ka jingia phylliew jingmut, ha kaba bad ki ktien ba kren da ki riewlum jong kane ka dong shatei lam mih ngi jong ka Ri India kiba don mynta ha pdeng ka jingma kiba lah ban duh jaid la pynlong ha ka skul bah NEHU, da ka jingiatrei lang “Central Institute of Indian Languages” (CIIL), Mysore bad ka Khasi Departmenti, NEHU, ia kaba la sdang mynta ka sngi.
Ha ka jingkren jong u Pro Vice Chancellor jong ka skul bah NEHU u Prof. Henry Lamin, u la pynpaw ia ka jingsngewkmen ka jong u ba kan don kum kane ka jingialang ban ia kren ia phylliew jingmut halor ki jaid ktien jong kane ka dong shatei lam mih ngi jong ka Ri India namar ka long kaba don haduh katta katta.
U Prof. P.P. Giridhar, Deputy Director, CIIL, Mysore ba mynshuwa u la ong ba ba baroh ki jaid ktien ha kane ka sla pyrthei ki don kam ia ka hok ba kin neh kin sah, ban pynneh pynsah ia ki don kam ban thoh ia ki, na ka bynta ban pynneh pynsah ia ki bad bad kyntiew , u Prof. Suhnuram Sharma jong ka Deccan College u la ong ba man ki jaid ktien ba kren ki long kiba kordor, Prof. Umarani Pappuswami, Deputy Director, CIIL, Mysore u la ban jur ia ki samla pule ba kin thoh ia ki ktien kham tam ia ka ktien ba kren da ki rit paid.
U Prof. Antoinette Kharmalki, Head, Department jong ka Khasi, hapoh NEHU u ba pyniaid ia kane ka jingiamir jingmut u la ong ba ka tien bad ka riti dustur ka iaid ryngkat ryngkat ban pynneh pynsah ia ka ktien. Ia ka jingkren ai khublei la ai da Dr. Marbhador M. Khymdeit.
Ki skul bah kiba la wan ban ia shim bynta ha kane ka jingiamir jingmut ki long na Manipur University, Assam University, Tezpur University, Jawaharlal Nehru University, Indian Institute of Technology (Assam), Ka English and Foreign Languages University (Shillong), Sikkim University, North-Eastern Hill university bad ka Central Institute of Indian Languages (Mysore).
