Shillong, Nailur 29: Ka seng HYC upper Shillong Unit kala lap ba kala don ka jaka bret niut kaba la shna ha rud jong ka Wah Umiew ha jan jong ka shnong Laitlyngkot.
Na ka liang jong ka seng kala leit ban jurip ia kane ka jaka bret niut bad na ka liang jong ka seng HYC kam tip mano bala shna ia ka hynrei kan leit banujor sha u DC ban phah tohkit ban lap ia ki nongleh.
U Bah Danny Rynjah president jong ka Upper Shillong Circle u la ong ba kin pyntip ia kane ka jingleh jaboh sha u Deputy Commissioner jong ka East Khasi Hills namar ka jaboh kaba mih na kane ka tuid sha ka wah Umiew kaba ki paidbah ka sor Shillong ki ioh ia ka Umdih.
Mynta ka sngi kum ka seng kala leit ban ujor sha u Deputy Commissioner jong ka East KHasi Hills District u Bah PS Dkhar bad ha kane ka jingiakren na ka liang jong u DC u la kular ba un sa leh ia kaba don kam halor kane ka jingujor ka jong ka seng HYC.
La iathuh ba ha ka jingiakren bad u DC , la ong ba ki bor jong ka District kan phah ia ki ophisar la shai ka sngi ban leit ban tohkit ha kaba ia dei bad kane ka jingshna ia kane ka jaka bret niut.
