Mar 200 tynrai u symbai dieng Agar sam u Martin sha ki nongrep hapoh ka Ranikor Block

MM DanggoShillong, Nailur 21: Mynta ka sngi u Martin M Danggo MLA jong ka Ranikor u la sam mar 200 tynrai ki symbai dieng Agar sha u wei uwei u nongrep baroh ki nongrep kiba la ioh ia kine ki symbai dieng ki long 500 ngut kiba hap hapoh jong ka Ranikor Block. Ia kane ka jingialang ban san ia kine ki dieng la pynlong ha Photkylla ka jaka jong ka tnad  Holticulture  kaba don ha Ranikor.

Ia kine ki dieng synbai la sam sha ki nongrep lyngba ka skhim na ka tnad Horticulture bad kane ka jingsam ia kine ki symbai dieng ka long kaba nyngkong hapoh jong ka South West KHasi Hills District. Ha kane ka sngi la don lang u Bah BK Syiem Deputy Director u ba dei ruh u District Horticulture jong ka District u Bah B Rani Assistant Director u ba long ruh u ADO jong ka Ranikor Block.

Ha kajingkren jong u MLA u Martin, ha kane ka sngi u la kyntu ia ki paidbah ba kin da sumar bha ia kine ki dieng namar kine ki dieng ki long kum ki mar rep kiba ka sorkar ka kwah ban pynshlur ban rep namar katei ka thain border baroh kawei ka long kaba biang eh ban thung ia une u dieng bad ki briew kane ka thain ki tip bha ia ka jingkor dor jong u ne u dieng.

Na ka liang jong u MLA u la ong ba kane ka long ka rukom rep kaba thymmai ha kaba ka sorkar ka kwah ban pynshlur ia ki paidbah namar ka iew jong u ne  jaid dieng u long u ba rem dor haduh katta katta bad na ka liang jong ka sorkar lyngba ka tnad Horticulture ka wad ki lad kilynti kumno ban kyntiew ia ka rep kat kum ka juk ba mynta. Ha kane ka sngi la don lang ruh bun ki heh sorkar bad ki riew rangbah ka thain.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet