Maramot ki paidbah Nongrimmaw bad Lumsohra ia ka surok ha Garolane

Shillong, Nohprah 19: Ki shnong shnong jong ka dong Nongrimmaw bad Lumsohra kila ia mih paidbah ban maramot ia ka surok ha Garolane ha ka 18 tarik mynta u bnai kaba mih sha Umlping namar ba kane ka surok kala sniew sha ba palat.

Kane ka surok ka long kaba don kam ha kaba ki paidbah ki iaid ki ieng bad kum juh ki kali kiba wan na Rynjah bad Nongrimhills, hynrei ia kane ka surok ym shym la don ba maromot ia ka mynta la lai snem lynter namar ka PWD kala sngap mynthi.

Na ka liang jong kine ki ar tylli ki dong kila thoh sha ka PWD bad kum juh sha ki nongmih khmat jong ki hynrei kam shym la poi shaei shaei ruh ha kaba ki nongshong shnong jong kine ki ar tylli ki dong ki hap ban maramot noh ia kane ka surok.

Ka jingieh ia kane ka surok ka long namar ba kam don kata ka jingiasngewthuh ha pdeng ka PWD bad ka tnad iada Ri namar ia kane ka surok mynshuwa la sumar da ka tnad shipai namar ka leit sha ophis jong u Chief Engineer jong ka MES bad ia kane ka surok ma sumar da ka kynhun shipai Assam Riffle haba ka ophis jong ka Assam Riffle ka dang don ha Nongrimaw.

Hynrei ia kane ka surok la ong ba ka dei ka surok Umpling ha ki kot ki sla jong kane ka surok hynrei kam shym la paw ban ong ba ka dei ka surok jong ki shipai kaba kut ha ka ha Wahthangsniang, lada kam don hapoh jong ka tnad shipai ka PWD ka dei ban don ia ki jingthoh ha kaba ia dei bad kane ka surok.

Ia kane ka surok la shna naduh ka por jong ka sorkar Assam, kaba pyniasoh ia ka Garolane bad ka Spread Eagle Falls bad kane ka surok kam dei jong ki shipai.Ki paidbah kiba don ha kane ka jaka ki pynpaw ia ka jingsngew diaw ia ka jingleh kmie nah jong ka PWD. Shen yn sa khot ia ka jingialang paidbah ban ia kren shuwa ba kan poi ka Election.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet