Shillong, Kyllalyngkot 03: ka jylla Meghalaya mynta ka sngi kala ioh mat ia u phria ba nyngkong jong mynta u snem 2018 mynta ka sngi ha khap sor jong ka sor Shillong, da kane ka jinghap phria kala wanrah ia ka jingkhriat kaba kham jur hapoh ka nongbah Shillong.
Mynta ka sngi na duh dang step ka suin bneng kala dum bad ha ka por shiteng sngi kala wan ka jingslap bad ka jinghap phria kaba la jur ha ki bynta jong ka Upper Shillong ha kaba kala buh ia ki kali kiba iaid ba ieng ha katei ka surok ha ka jingeh ban iaid namar ka jingreben jong u phria ha surok.
Kane ka dei ka jingslap bad ka jinghap phria kaba nyngkong eh ha kane ka jylla Meghalaya ha bas dang jong une u snem thymmai mynta 2018. Kane ka jinghap phria kala neh kumba 20 minit ei ei bad kane ka ktah ia ki dieng ki siej ha kaba bun na ki dieng kila hap ki sla sha madan.
