Shillong, Jymmang 03: Ka Hynñiewtrep National Youth Movement seng kmie ha ka 3 tarik Jymmang 2023 ka la leit tur kynsan ha shlem trei kam ka Hima Mylliem ka ba don ha Mawkhar, kane ka jingtur ki dkhot ka seng ka bym shympoi pyrkhat, ka la pyn kyndit Ia ki myntri ki ba shong ha ophis treikam.
Kane ka jingthmu ka seng HNYM ban khang tala ïa katei ka office da kaba kynnoh ba ka Office Mylliem ka pynkheiñ ïa ki kular ba la dep ban ia phylliew jingmut halor kane, hynrei na ka liang ka Office Hima Mylliem ka la pyrshah Ia kata ka jingthmu khang tala.
Ha kane ka jingleit ka la mih ka thma ktien kaba jur ha pyllaw kane ka office hapdeng u President rangbah ka seng u Bah Lius Dohdthong ki dkhot pyrshah bad u Basan ka raid Nongkseh lem bad ki briew ka Hima Mylliem.
Kum ban pynkynmaw kane ka jingleit ba kyndit ka seng ka dei namar ba kam dei shuh ka kam thymmai ka la dei ka kam kaba rim halor ban pyrshah Ia ka jinglong rangbah shnong ki jaitbynriew Garo hapoh u pud u sam jong ka jait bynriew Hynñiewtrep, Ia kane ka bynta ka seng ka la dep ban ai jingthoh ba ym ju bit ban phah kam rangbah shong Ia ki.
Kumta kane ka la pynlyngoh Ia ka seng namar ha u bnai Iaiong ki jaitbynriew Garo ka la paw ba ki dang pyndon kam ban ai NOC ïa ki jaitbynriew Hamar bad Punjabi, ba dei na kane ka tyllong ba ka seng ka Pynbor ban pynsangeh noh ia kine ki rangbah shnong Garo.
