LUCKNOW, OCT 5 (UNI):- Prime Minister Narendra Modi addressing at Azadi@75 New Urban India: Transforming Urban Landscape Conference-cum-Expo in Lucknow on Tuesday. UNI PHOTO-1U
New Delhi, K.Lyngkot 05: Mynta ka step, u Myntri Rangbah Duh ka ri, u Narendra Modi u la poi ha Bathinda bad na kane ka jaka, u la dei ban leit sha ka National Martyrs Memorial ha Hussainiwala da ka helicopter. Namar ka jingther u slap bad ka jingeh ban iohi, u Myntri Rangbah Duh u la ap kumba 20 minit ban kham shai ka suin bneng.
Haba kane kam shym la jia, la rai ba un leit sha ka National Marytrs Memorial da ka kali ka ban bam por palat 2 kynta. U la mih kumta da ka kali hadien ba la peit ia ka jingshngain da u DGP ka Punjab Police.
Kumba 30 km shuwa ban poi sha ka National Martyrs Memorial ha Hussainiwala, haba ki kali kiba bud ia ka kali jong u Myntri Rangbah Duh ka la poi ha ka flyover, la shem ba ki don katto katne ki nongiakhih kiba la set dam ia ka surok.
U Myntri Rangbah Duh u la sahkut ha hane ka flyover kumba 15 – 20 minit. Kane ka dei ka jingbakla kaba khraw ha ki kam ban pynthikna ia ka jingshngain jong u Myntri Rangbah Duh.
Ia ka prokram bad ka lynti iaid jong u Myntri Rangbah Duh la pyntip lypa ia ka sorkar Punjab. Katkum ka rukom treikam, ki dei ban pynbiang lut ia ki jingdonkam kiba iadei bad ka jingshngain bad ki dei ruh ban buh ia kiwei kiwei ki lad.
Shuh shuh, kum shi bynta jong kine kiwei kiwei ki lad, ka sorkar Punjab ka la dei ban buh shuh shuh ia ki kynhun pahara ban wanrah ia ka jingshngain hynrei ia kane ym shym la leh. Hadien kane ka jinglia, la rai ban leit phai sha ka kad liengsuin Bathinda.
Ka tnat kam pohiing ka la peit thuh ia kane ka jingbakla bad ka la pan ia ka kaiphod na ka sorkar jylla. La bthah ruh ia ka sorkar jylla ba kan wad ia kito kiba la bakla ha kane ka kam bad ban pynshitom ia ki.
