Mih paidbah ki samla pule bad ki nonghikai ka skul bah NEHU ban pyrshah ia ka CAB 2016

Shillong, Rymphang 13: Hapoh jong ka “Joint Action Committee”  kaba kyntu ia ka seng jong ki nonghikai, ki samla pule bad ki nongtrei jong ka skul bah North Eastern Hill University mynta ka sngi kila pynlong ia ka jingiaid paidbah hapoh katei ka skul bah ha kaba da ki hajar ngut ki samla pule bad ki nonghikai kila ia shim bynta.

Ha ka jingkren jong u Professor Mao shuwa ban iaid paidbah, u la ong ba kane ka jingleh jong ka sorkar BJP ka long pyrshah ia ka riti  synshar jong ka Ri India, namar ia kane ka Citizenship (Amendment) Bill 2016 la pynhsong nongrim halor ka niam, kita ki rit paid Hindu ha kiwei ki ri jong ka parthei.

Ia kane ka jingleh jong ka sorkar BJP da lei lei yn nym lah ban pdiang da ki paidbah jong ka Ri India khamtam eh ki paidbah jong ka dong shatei lam mih ngi jong ka Ri India, kane ka jingleh jong ka sorkar India ka long pyrshah ia ka riti dustur jong ki Ri paid bad kum ki rit paid ki don ia ka hok ban iada ia lade lada hap ban iakhih ruh.

Ha ka jingkren u nongbai buid jong ki samla pule jong ka skul bah NEHU u bah Rangdajied Marwein jong ka NEHUSU, u la ong ba lada ka BJP ka pdiang ia kane ka Bill ka long ba kam khien briew ia ki paidbah ka North East, la ong ba imat ka BJP ka kham khien kordor ia kita ki Bangladesh ban ia ki trai Ri kiba dei na North East.

Ha ka juh ka por u la ong ba lada ka sorkar NDA ha Delhi hapoh ka jingialam jogn ka BJP ka lap ba kita ki briew kiba don ha Bangladesh, Pakistan bad Afghanistan ki shah leh bein ka Ri India ka don ka hok jong ka ban ujor hapoh jong ka United Nation ha kaba ka India ruh kadei kawei na ki ri kba la soi halor poiwir jong ka Pyrthei, ym ba kan wan ialam ia ki hapoh ka Ri India.

Ha kane ka sngi ki samla pule jong kane ka skul bah kila iaid sawdong ia ki skul jong kane ka jaka pule ban pyrta pyrshah ia ka CAB, la ong ba lada ka sorkar pdeng ka leh don bor ban pdiang ia ka CAB ka jingiakhih kaba tygnneh kin pynlong bad la shai ka sngi kim sdang ia ka jingiakhih shong kyllain mungor.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet