Munjur ka KHADC ban shim biang ia ka VAB, Iaki jaka sha bar ka Muncipal un aibor sha ka KHADC

Shillong, Nohprah 14: Ka jingialang kaba la long mynta ka sngi hapdeng ka sorkar, ka Khasi Hills ADr Mukul Sangma CM and Mr PN Syiem CEM KHADC.utonomous District Counci, ka Synjuk ki Rangbah Shnong kala lah ban wan rah ia ka jingiasngewthuh jingmud ha pdeng ka sorkar bad ka KHADC ha kaba ia dei bad ka Village Administration Bills bad ha kaba ia dei bad ka MUDA By-Laws.

Ha kane ka jingiakynduh lang jong kine ki lai tylli ki kynhun kila poi sha ka rai ba na ka liang jong ka KHADC kan shim noh biang ia ka VAB bad ha kaba ia dei bad ki jaka kiba hap sha bar jong ka Municipal kiba ka MUDA By-laws ka trei kam ka sorkar kan ai bor ia ka KHADC ban peit lyngba ka jingithuh jong ka sorkar, ha kaba ia dei bad ki jaka ba don ia ka Town Committee ka sorkar ka hap ban ai bor ia ki.

Haba kren ha ki nongthoh khubor ha dien ba la kut ka jingialang, myntri rangbah u Dr Mukul Sangma u la ong, haba ia dei bad ka VAB lyngba ka District Council Affair ka sorkar kan thoh sha u Lat ka jylla bad u Lat ka jylla un pyntip sha ka tnad kam poh iing jong ka sorkar pdeng ban pynphai noh ia ka VAB bad kan sa leit sha KHADC ba kin ia kren biang ia kaei kaba duna bad ia kaei ban pyndap ban dup ioh noh ia ka jingithuh ia ka Village Administration Bills ba kan long noh kum ka ain khang ba ki dorbar shnong kin ioh noh ia ka jingithuh jong ka ain.

Haba ia dei bad ka MUDA By-laws, ia ki jaka kiba hap sha bar jong ka Municipal ka sorkar kan sa pynmih ia ka jingpynbna sorkar ban ithuh noh ia ki “Local Authority” kaba mut ki Town Committee, ka KHADC ka dei ban pyntip sha ka sorkar ia kita ki Town Committee bad ia kiba sah kan peit ka KHADC, kane ka long ban but ia ka ain katkum ka Town and Country planning Act 1973 bala shna da ka sorkar.

Na ka liang jong u CEM u Bah Pynshngianlang Syiem  haba kren ha ki lad pathai khubor u la ong ba mynta ia kane ka VAB kaba dang sah bad ka tnad kam poh iing jong ka sorkar pdeng kan sa thoh ka sorkar jylla bad kan sa wan sha KHADC ba kin ioh ban ia kren bha hapoh ka iing dorbar bad kin sap hah biang sha ka DCA ban ioh noh ia ka jingmynjur jong u Lat ba kane ka VAB kan long noh ka ain. Na ka liang jong CEM u la ong ba na ka bynta ka bit ka biang jong u paidbah ki hap ban ia treilang.

Haba ia dei bad ka MUDA By-law na ka liang jong u CEM u la ong ba mynta ka KHADC kan phah sha ka DCA ia ka By-laws kaba la shna da ka District Council ha kaba ia dei bad ki jaka kiba hap hapoh jong ka KHADC bad ka sorkar kan pynbit pynbiang ia ka bad kan sa pynmih ia ka jingpynbna sorkar ba ia ki jaka kiba hap sha bar jong ka Municipal kin hap hapoh ka jingpeit jong ka KHADC.

Ha kane ka jingiakynduh jong kine ki lai tylli ki kynhun ia ka sorkar la lam khmat da u myntri rangbah u Dr Mukul, ha kaba la don lang u DCA Minister u Bah HDR Lyngdoh, bad ki ophisar, na ka liang jong ka KHADC la lam khmat da u CEM ha ryngkat kim EM bad ki MDC bad ia ka kynhun SRS la lam khmat da u Dr W Kharshiing.

 

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet