Mynjur ka Pomlakrai AEC bad Ki VEC ban shim khia ban pynrung kyrteng ha ka MHIS-III

Shillong, Nailar 13: Mynjur ka Pomlakrai AEC bad Ki VEC ban shim khia halor ka MHIS-III hadien ba Lap u Bah John Kharshiing, ba ha Pomlakrai – Mylliem tang 3.58% percent long iing ba pynrung kyrteng ha u snem 2016-2016 hapoh MHIS-II hapoh Mylliem Block 23.29% percent katba ha Mawphlang Block rung kyrteng MHIS-II (2015-2016)  57.35% percent

Ka Meghalaya State Planning Board, Working Group –III,  hapoh ka jingkhot u Bah John F Kharshiing, Co-Chairman, Meghalaya State Planning Board, Govt of Meghalaya, la pynlong ia ka jingia kynduh lang ki 6 tylli ki Village Employment Council(VEC), kiba hap hapoh ka Pomlakrai AEC, kiba kynthup ia ka Mawbynna VEC, Pdeng Shnong VEC, Rngi Shillong VEC, Liewlong VEC, Umiew VEC, bad Mawtharia VEC, kiba hap hapoh ka Umsaw Gram Sevak Circle, hapoh ka Mylliem C&RD Block, East Khasi Hills District, bad katei ka jingialang ka la long hapoh ka AEC Building ha Liewlong, Pomlakrai, Mylliem Syiemship, ha katei ka jingialang la don lang u Bah P. T. Passah, Block Development Officer, ki officer na ka Mylliem C&RD Block, ha ryngkat u Chairman, ki Rangbah Shnong, ki nongkitkam jong kitei hynriew shnong.

Ha katei ka jingialang ban bishar bniah ia ki Scheme Sorkar kum ka MGNREGA da u Co-Chairman, MSPB,  la don lang ki Chairman, Secretary, Treasurer, ki nongmihkhmat na ka liang ki longkmie, ki Rangbah Shnong bad kiwei kiwei, bad ha kaba la ioh ka jing pyni da ka power point presentation na ki officer ka Mylliem Block halor ki jingtreikam kiba pher bapher da ki VEC hapoh ka Pomlakrai AEC.

Katkum ki jingai jingbatai la rung ka bai bylla hapoh Pomlakrai AEC 2014-2015 – Rs 57Lak; 2015-2016 – Rs 261 Lak; bad 2016-2017 – Rs 246 Lak; bad ia katei ka bai bylla la pyntrei kam ha kaba shna ia ki Lynti Surok, Ki Nala Shnong, Ki sem Syiar, ki sem sniang, ki painkhana bad la ioh jingbatai ruh halor ka scheme painkhana ha kaba kiba bun ki paidbah ki la ong ba ki la ioh ia katei ka scheme.

Shuh shuh la ioh ia ka jingbatai na ki Officer MHIS halor ka jingpyniaid ia ka jingpynrung kyrteng hapoh ka MHIS-III, kaba la sdang naduh 1 July 2017, ki la pynpaw ia ka jingsngewkmen ba u Bah John F Kharshiing, Co-Chairman, MSPB u la lum ia katei ka jingialang ban pynshai ia kitei ki jingmyntoi na ka (Smart Card) – MHIS, bad la kyntu ia ki Rangbah Shnong, Longkmie, ki Samla katei ka thain Pomlakrai ba kin shim ia kane ka lad ban pynrung kyrteng ia baroh ki longing kum shi bynta ban ioh ia ki lad jingiada.

Ki Rangbah Shnong bad nongkitkam ka Pomlakrai Pyllun ha ryngkat ki VEC hadien ba ki la ioh ia ka jingpynshai, ki la mynjur ban shim khia ban pynsngewthuh ia u paidbah halor ka jingdonkam ia ki paidbah ban pynrung kyrteng ha katei ka MHIS-III.

Ha katei ka jingialang la sngewthuh ba kiba bun ki long ing ki la myntoi bad ioh ia ka scheme painkhana. Ha katei ka jingiakren ki VEC ki la pynpaw ka jingsngewnguh ia ka Sorkar kaba la wanrah ia kiba bun ki scheme bad ha kaba ki la ioh jingtip ba mynta ka Sorkar Jylla Meghalaya ka la mynjur ia ka shi (1%) percent na ka bynta ka Project Management Charge,  kum shibynta ba kan long ka Fund ia ki VEC bad u Bah John F Kharshiing, Co-Chairman, MSPB, u la mynjur ban rah sha ka Sorkar Jylla ban thaw lad ban pynkiew shuh ia katei ka percentage jong ka PMC.

Ha kane ka jingialang la shim ia ka rai ban kyrpad ia ka Sorkar Jylla ban pynkiew ia ka bai bylla sngi kaba long mynta Rs 175 unskilled bad Rs 212 skilled, ban pynkylla thymmai ia ka Schedule of Rates, katkum ka por bad ka jingkiew dor ki tiar baroh. La ioh ka jingbatai na u Dr Watwitson Lyngdoh, AH & Vety Officer, Mylliem Block, iba la batai shaphang ki jingtreikam jong ka tnad ri jing ri.

Ha katei ka jingialang u Co-Chairman, MSPB, u la pyni ruh ia ki nongkitkam VEC ia ka program kaba dang iaid mynta kaba iadei bad kumno ban shna pynbha ia ka dpei iing ha kaba katei ka jingstad thymmai ka long ka lad kaba pynduna ia ka tdem bad ka long kaba pyndonkam duna ia ki dieng thang.

U la pyntip ba ia katei ka project lyngba ka SPIKAP, UNDP, SGP, la pyntrei ha ki jaka ki shnong kiba sawdon ki law kyntang. Kumta u la kyntu ia ki VEC ba kin shim khia ban pyntip ha la ki shnong lada don kiba kwah kin pyntip mar mar sha u numbor 9436102663 ia katei ka jingdonkam ha kaba ki trai iing kin hap pynbiang tang u shiap saw tin bad u mawria lai tin bad kiwei kiwei ki jingdonkam la ioh lyngba katei ka project.

U Bah John F Kharshiing, Co-Chairman, MSPB u la kyrpad jur ia ki VEC ban shim khia bad u la buh ha ki ka thong ban pynlong ka shnong kaba jop ha ka kam ban khang ia ka jingleit shabar pathar sha lum sha wah bad ban ioh ia ka khusnam “Open Defecation Free Village” .

Ki VEC ki la kyrpad ia u Co-Chairman, MSPB, ban pynlong biang ia katei ka jingiakynduh kum shibynta ban ai jingshai halor ki kyndon MGNREGS bapher bapher.  Ha kaba pynkut u Co-Chairman, u la pynpaw ba baroh ki jingai jingmut yn sap hah sha ka Sorkar Jylla ba kin leh ia kaba donkam.

U la ong ba kane ka rukom ia kynduh kan sa nang iai long ha man ki Block kum shibynta ban iohsngew ia ka jing ai jingmut ki VEC halor ki kam pynroi hapoh ki shnong. Kiwei kiwei kiba la kren ha katei ka jingialang Sorkar ki long ki Officer na Block u Bah B Kharkongor, Chairman, Pomlakrai Pyllun, bad kiwei kiwei.

 

 

 

 

What Next?

Recent Articles

Leave a Reply

Submit Comment
*