Mynjur ka sorkar ban weng ia ki kyndon ain ka MUDA na ki jaka bym dei Municipal

Shillong, Jymmang 15: ka jingiakren halor ka jingeh kaba ki nongshong ki bym hap hapoh u pud  sam jong ka Shillong Municipal ha kaba ia dei bad ki kyndon ain jong ka Meghalaya Urbam Development Authority (MUDA) kala long mynta ka sngi hapdeng ka sorkar, ka Khasi Hills Autonomous District Council (KHADC) bad ka  Synjuk Ki Nongsynshar Shnong Ka Bri U Hynniewtrep (SNSBH).

Ha dien ka jingiamur jingmut kaba bniah halor ki jingeh kiba lamih na ka jingpyntrei kam ia ki kyndon jong ka MUDA, na ka liang jong ka sorkar kala munjur ban weng noh ia ki kyndon jong ka MUDA na ki jaka ki bym dei hapoh jong ka Municipal. Ha ka juh ka por ka tnad sam um bad ka MeECL  ka dei ban kham pynjynsur ha kaba ai um bad light sha ki iing ba la dep shna thymmai kiba hap hapoh ka jingpeit jong ka KHADC.

Ia kane ka jingialang kaba la long mynta ka sngi na ka liang jong ka sorkar la lam khmat da u myntri rangbah ka jylla u Conrak K Sangma ha ka jingiadon lang ki myntri sorkar, na ka liang jong ka KHADC la ialam da u CEM jong ka KHADC u Bah PN Syiem bad ia ka kynhun SNSBH la ialam da u Dr W Kharshiing bad ki dkhot ka seng.

Haba kren ha ki nongthoh khubor ha die ka jingialang, u myntri rangbah u la ong ba kila ia mynjur ha ka jingiakren ba ki District Council kid ei ban shna ia ki kyndon sha iing bad ba ki dei ban don ki Twon Planing Committee. Na ka liang jong ka sorkar kan sa bethah ia ka MeECL bad ia ka tnad sam um ban kin pynjynsur ia ki kyndon ha kaba ai um sha ki iing bad ai light sha ki iing ba dang dep shna thymmai.

What Next?

Recent Articles

Leave a Reply

Submit Comment

*