Shillong, Iaiong 25: Mynta ka sngi ka High Level Committee (HLC) ha kaba ia dei bad ka Them Iew Mawlong hapoh ka jingialam jong u symbut myntri rangbah ka jylla u bah Prestone Tynsong kala ia shong ban ia kren bad ki nongialam jong ka Harijan Colony ban ia pynbeit kumno ban pynkynriah ia ki na katei ka jaka.
Ha dien ba ka jingialang u Symbut Myntri Rangbah ka jylla u bah Prestone Tynsong la ong ba ha kane ka jingiakynduh mynta ka sngi ki nongialam jong ka Harijan Colony kila mynjur ban kynriah na katei ka jaka, hynrei kila buh ia ki kyndon.
Haba ia dei bad kane ka sorkar kan pynkhreh ia ka jingbuhryntih kaba bniah bad ha dien bala lah ban pyndep ka sorkar kan sa pyntip sha ki bad kin hap ban ia shong biang para maki ban shim ia ka rai kaba khatduh.Ka jingialang ka ban long biang kan long ha lane shuwa ka 15th Jymmang 2022 bnai ban wan.
Ki kyndon kaba ki la buh ka long ba ki kwah ban don la ka jong ka jaka na ka bynta jong ki baroh ki long iing kib don 342 ia kiba la shim jingkhein ha u snem 2018, kawei ka jingkylli kaba kila buh ka long lada la dep ban shna ia ki iing hato kin ioh pateng pateng ne em ia kata ka iing kaba ki sah.
Hab ia dei bad kine la bthah ia ka tnad pynroi sor ba kin pynkhreh ia kane bad ha dien ba la dep ban pynkhreh yn sa phah biang sha ki, kumba ka long mynta la don ki jaka bala peit bad ha dien ba la dep yn sa shim ia ka rai. Kane ka jingiakren ka dang iaid bad ha dien ba kila dep bad ia mynjur lang kin sa ai lang ia ka Aphidabit sha High Court.
Ha kane ka jingiakynduh na ka liang jong u nongialam ka Harijan Panchayat Committee (HPC) u Gurjit Singh la ong ba kila pan na ka sorkar ba ynda ki la leit sha kawei ka jaka kin ai ia ka jaka kaba 200 meter sawdong na ka bynta kawei kaei ka iing, ia kiwei kin sa ia peit ynda la dep ban ia pynbeit baroh.
