Shillong, Risaw 24: Hynriew ngut ki briew kila mynsaw ha ka jingnoh jong ka kali Bolero pick up sha rud surok ha shnong Nongkasen ha West KHasi Hills District, la kynnoh ba kane ka jingnoh jong ka kali sha rud surok ka dei na ka daw jong ka jingpynher sted kane kala jia ha ka miet 23 tarik por 7.30 baje mynmeit.
La ong ba kane ka kali Bolero kala mut ban shim pass ia ka trok kaba iaid na khmat jong ki hynrei ha kane ka por ka wan noh sa kawei ka kali na pyrshah bad u nongniah jong ka kali Bolero ym lah ban leh ei ei shuh bad u la noh sha khap surok bad ha kane ka jingjia 6 ngut ki briew kila mynsaw.
Ka Ambulance 108 kaba ha Markasa PHC kala pynkit ia kiba mynsaw sha Mariang Civil Hospital bad kum juh sha NEIGRIHMS. Kiba mynsaw la tip kyrteng kum ka Romilin Nongrum 23, ka Dilinti Nongrum 27 snem bad u u Donborlang Marwein 35 snem baroh ki dei na ka shnong Mawlaisyiem kaba hap hapoh jong ka West Khasi Hills.
