Shillong, Kyllalyngkot 8: Mynta ka sngi shi kynhun ki khar Bangladesh kiba la rung hapoh jong ka shnong Amdoh kaba hap hapoh jong ka West Jiantia Hills District kila ker kut ia ki shipai BSF bad kila ioh ban pom da ka wait bnoh ia u wei u shipai BSF na ka kti.
Ha kane ka jingialeh ki kar Bangladesh kila pet bad rung ha iing jong u Pratap ba dei u nong India bad u la siat pynmynsaw ia ki khar Bangladesh hynrei namar kila ia bun kumba 25 ngut ei ei kila ioh ban pom ia u ruh bad u la mynsaw. Ia kine la pynkit sha Dawki CHC ban phah sumar.
Ha dien kaine ki khar Bangladesh kila phet sha la ka jong ka Ri jong ki, na ka liang jong ki BSF kila khot ia ki BGB bad kila pynlong ia ka jingialang bad kila dawa ba ki BGB ki dei ban kem mar dor ia kane ki riew sniew.
Na ka liang jong ki BSF kila pynjue bha ia ka jingpahara ha shilynter jong ka khappud bad ka Bangladesh ban peit ba ki Bangladesh kim dei ban ioh rung sha India. Kitei ki Khar Bangladesh kila rung nyngkong ha ka shnong Rhongkum.
