Mynsaw jur ka kong Agens, Amita  ba tied ki riew sniew ha Sohshrieh EJH District

Shillong, Naiwieng 08: Mynta ka sngi ki riewsniew kiba ym lah ban tip kila tied ia ka kong Agnes Kharshiing bad ia kawei ka nongbut jong ka Amita Sangma ha duh ba kila mynsaw jur ha kane ka jingshah tied ha ki riew sniew.

Katkum ka jingtip kaba la ioh la rah ia ka kong Kharshiing bad ia ka Sangma sha Ialong CHC ban ioh ia ka jingsumar bad na katei ka jaka ai jingsumar la phah noh sha NEIGRIHMS Shilong ban ioh ia ka jingsumar kaba kham bniah.

U Bah John Kharshiing hynmen jong ka Kong Agnes haba kren ha u SP News Agency la iathuh ba ka jingshitom kala jur bha bad ka jingmynsaw ka long na ka bynta jong ka khlieh, ka Amita kaba don lang bad ka kong Agens ruh kala mynsaw jur ha kane ka jingjia.

Haba u SP News Agency u la phone sha u Superintendent jong ki pulit ka East Jiantia Hills District  ka mobile ka khang bad haba la pyrshang ban kren ia u Additional Superintendent ki pulit u la shim ia ka phone hynrei u la ong ba u dang niah kali ym pat lah ban ai jingtip.

Na ka liang jong ki pulit ka East Jiantia Hills kila pynlong ia ka jingthwet ia ki riew sniew kiba la bom ia kitei ki riew kynthei ar ngut ban kem ia ki, kat haduh ba thoh ia kane ka khubor ka jingthew jong ki pulit ia ki nongleh kam sniew kala dang iaid.

 

What Next?

Recent Articles

Leave a Reply

Submit Comment

*