Shillong, Kyllalyngkot 11: Mynta ka sngi lai ngut ki briew kila mynsaw ha ka jingkylla pyrdet jong kawei ka kali maruti kaba don ia u number ML 10 B 2161 ha dien ba kala ia tyngkhuh bad kawei ka trok ha Sawkilo katba ka dang mut ban kiew sha Shillong.
Baroh kine kiba mynsaw ki dei na Bhoirymbong, kiba la mynsaw la tip kum ka Buhroi Syiemiong 21 snem bad ka Therina Mawlong 61 snem, kiba mynsaw kynthup ia u nongniah kane ka kali. Ia ki la pynkit sha CHC Bhoirymbong ban ioh ia ka jingsumar da ka kali Ambulance jong ka 108.
Kane ka jingjia kala jia ha ka por 7.30 baje mynstep mynta ka sngi, katkum ka khubor kaba la phah ka long ba kane ka jingjia kala jia ha jan ka peterol pump kaba don ha katei ka jaka.
