Shillong, Kyllalyngkot 20: Ha ka jingkylla kali mynta ka sngi ha bun tylli ki jaka san ngut ki briew kila mynsaw bad ia kiba mynsaw la pynkit ia ki sha ki jaka ai jingsumar da ki ambulance 108.
Ha ka jingjia ha ka shnong Thangshalai jong ka East Khasi Hills kawei ka bikle kala noh sha riat bad ha kane ka jingjia baroh ngut kiba shong kila mynsaw kine ki mih na Guwahati ban leit sha Jowai.
Kine kiba mynsaw la ithuh ia ka kyrteng jong ki kum U Trishnashree Das 23 snem bad u Nilutpal Debnath 23 snem. Ia ki la pynkit sha Mawryngkneng PHC bad ha dien la pynkit noh ia ki sha Shillong Civil Hospital ban ioh ia ka jingsumar.
Ha kawei pat ka jingjia u Bah Elegant Kharmuti 50 snem u la mynsaw ha kaba ka kali kaba u shong kala kylla sha rait katba u dang wan na Byrnihat sha Shillong. Kane kala jia ha ka shnong Umnget Village ha Ri Bhoi Districts.
Ha kawei pat ka jingjia ha South Garo Hills u wei u briew katba u dang iaid u la shah tynrah ha kawei ka trok kit mar kane kala jia ha ka shnong Batabari. Ha kane ka jingjia u Pornima Banai 60 snem u la mynsaw jur bad la kit ia u sha Dalu CHC.
