Shillong, Nailar 02: Mynta ka sngi u Lat jong ka jylla u Banwarilal Purohit u la lait na ka jingmynsaw ha dien ba kawei ka trok kala leit ban tynrah ia ka kali “Ringround” kaba synran ia u Lat ka jylla ha Mawlai Mawiong.
Ha kane ka jingiatyngkhuh kali ki pulit kiba don ha kane ka kali “Ringround” jong u Lat ka jylla kiba la mynsaw ki long u Gopal Gurung , u Ranjit Mondhar, u A Rai, u M Mahdok , bad u M Sawian ia kine ki ba mynsaw la pynkit sha Civil Hospital ban shah sumar.
Na ka liang jong ki pulit kila kem mardor ia u ne u nongiah jong kane ka traok rit bad mynta u don ha ka kti jong ki pulit ban tohkit ia kane ka jingjia kaba la jia mynta ka sngi ha ka Mawlai Mawiong.
