Shillong, Jymmang 13: Mynta ka sngi kala don ka jingia kjai hapoh jong ka kompon Musha ha Jahlupara bad ha kane ka jingjia kala don ka jingiadung da ki kynja khujri ha kaba saw ngut ki briew kila mynsaw la ong ba kane ka jingjia kala long ha ka por 3 baje mynstep mynta ka sngi.
Katkum ki lad khubor kiba la lah ban ioh la ong ba ia kine ki saw ngut ki briew kiba la mynsaw la pynkit noh sha Civil Hospital Shillong ban ioh ia ka jingsumar bad ha dien katto kattne por ar ngut kiba mynsaw la pynkit noh sha NEIGRIHMS ban phah sumar.
Ha kane ka jingklumar na ka liang jong ki pulit ki la pynlong ia ka jingtohkit ban lap ia ka jingshisha baroh mano ba la sdang ia ka jingiakynroi bad kaei ka daw kaba la pynlong ia ki ba kin ia poi haduh kane ka jingiabah wait . Ki pulit jong ka Jahlupara kila pynlong ia ka jingtohkit ha kaba ia dei bad kane jingjia.
