Shillong Jymmang 18: U Myntri Rangbah ka jylla u Conrad Sangma haba kren ha dien ka jingialang jong ka kynhun MDA u la ong ba ka Reservation Policy khlem ka Roster System kam don jingmut eiei ruh em.
Haba kren sha ki lad pathai khubor hadien ba la wai ka jingialang jong ka kynhun ha ka sorkar MDA, u Conrad u la ong ban pynjanai ha ka bhah thungkam thung jam donkam ia ka Roster System khnang ba ka jingbhah kam kan long kaba ryntih.
U myntri rangbah la ong ba don kam ban pyntreikam ia ka Roster khnang ban pyntikna ba ki jaidbynriew ha kane ka jylla kin ioh ia la ka jong ka bhah ba la mang na bynta ka jaidbynriew bad ka jingpyntreikam ia ka Roster kam dei ba ka ai jingmyntoi tang ia kano kano ka jaidbynriew hynrei kan don ka jingryntih ha ka rukom bhah kam lang salonsar ia baroh.
U Myntri Rangbah u la pynshai ia ka rukom treikam kane ka Roster System ka sorkar ka bud ia ki jingbthah jong ka iing Kashari ka Supreme Court, ia kane ka jingiakynduh jong ka MDA kila bun ki jinglylli ia kaba la pynshai ha ki dkhot ka MDA bad ia ki bymn pat shai kin sa wan ban kylli biang.
U Myntri rangbah ka jylla la ong ba la shai ka sngi un sa batai pynshai ha ka jingialang jong baroh ki seng sain pyrthei ia ka jingpyntrei kam ia ka Roster ha kane ka jylla kan long na ka bynta ka jingbit jingbiang lang jong baroh ki briew kiba dei ki trai jylla.
