Shillong, Risaw 08: U nongialam ka seng Congress u ba dei ruh u MLA jong ka 48-Selsella Konstitwensi u Clement Marak u ba dei ruh u myntri ba rim jong ka sorkar Meghalaya u la khlad noh mynta ka jan miet ha kawei na ki hospital ha nongbah Delhi, ha dien ba ka jingpang kala bat ia u kham katto kat ne por.
U Clement Marak u la jop nyngkong kum u MLA ha ka elekshon shiteng samoi ha u bnai Rymphang 2005 na ka seng Congress da kaba pynrem ia u Conrad K Sangma jong ka NCP. Hynrei ha ka general elekshon ha u snem 2008 u la shah rem ha u Conrad K Sangma na ka party NCP.
Ha ka elekshon ha u snem 2013 u la jop biang ia ka MLA elekshon da kaba pynrem ia u Conrad K Sangma bad mynta u snem 2018 u la jop biang ia ka MLA elekshon na ka tei ka juh ka konstitwensi.
Ha kine ki jinglong nongmih khmat ka jong u, u la shah thung kum u myntri sorkar ha ka sorkar kaba la ialam da u Dr Mukul Sangma bad u la bat ia ki tnad sorkar, kum ka tnad sam bor ding, tnad sam bam, tnad khlaw.