Shillong, Jylliew 07: La pynkhuid ia ka jingtwa khyndew ha jan surok krem ha Sanapur kaba twa mynta ka sngi da ka jingtrei bor bah mynta ka janmeit la lah ban pynlait ia kane ka surok na ka jingsah kut ha kaba ki kali kila lah ban leit ban wan ha ka surok bah National Highway-6 kaba pyniasoh ia ka Silchar bad East Jaintia Hills.
U Bah Sainpyniar S Syiemlieh Additional Deputy Commissioner jong ka East Jaintia Hills la iathuh ba ka jingtwa khydnew kala jia ha por dang step phyrngap dang dum ka suin bneng na ka daw jong ka jingslap jur, hynrei mynta ka jan miet la lah ban pynkhuid ha kaba ki kali kila lah ban leit ban wan.
Kane ka jaka ka dei ka ba juh twa khydnew na ka por sha ka por bad mynta ka sngi ruh kala jia kane ka jingtwa khydnew ha kaba la ktah ia ka leit ka wan lyngba kane ka surok mynta ka sngi ha kaba bun bah ki kali kila sah kut kat haduh ban da dep pynkhuid ia kae khyndew kala ba la wan tap ha surok.
