Shillong, K.Lyngkot 13: Mynta ka sngi ki nongtrei jong ka EMRI 108 hapoh jong ka lama Meghalaya EMRI Workers Union kila sdang ban pyniaid biang ia ki Ambulance 108 naduh ka por 7.00 baje mynmeit mynta ka sngi.
Haba kren ha ki lat pathai khubor ka kong Microlina Syiemlieh President jong ka MEMRIWU kala pyntip ba kila ioh pdiang ia ka jingthoh na ka tnad ka koit ka khiah bad mynta ka sngi kila shim ia ka rai ban wengnoh ia ka jingiakhih kaba khlem buh por.
Ka seng ka pynpaw ia ka jingsngewnguh ia ka sorkar kaba la sgnap ia ka jingdawa jong ki, ha ka shithi kala kren shai ba ka sorkar kan pynkut noh ia ka kontrak bad ka GVK Kompeni ha kane ka jylla, bad ka sorkar kala sngap ruh ia ka jingdawa jong ki ha kaba ia dei bad ka tulop.
La ong ba ka jingsdang ban trei kam ia ki Ambulance 108 kala sdang biang mynta ka meit ha baroh kawei ka jylla bad ki don ki Ambulance ba kin dang iaid mynta ban poi sha ki jaka kaba ki don baroh shikatta bad kyrmen ba baroh naduh la shai ka sngi kila poi lut sha ki jaka trei ba ki don.
