S
hillong, Nailar 20: Mynta ka sngi ka kur Nongkhlaw kala wan sha khmat ban aiti ia ka jaka jong ka kur kaba don ha Themiew Mawlong sha ka Hima Mylliem ba naduh mynta ka sngi kane ka jaka kan hap noh hapoh ka jingpeit jong ka Hima.
Ia kane ka jingialang ban aiti ia kane ka jaka sha ka hima la pynlong ha ophis jong u Syiem ka Hima Myllien ha kaba ia ki kot ki sla jong ka jinglong trai ia kane ka jaka da ka kur nongkhlaw ai aiti da ka khatduh jong ka kur sha u syiem shipor jong ka hima u Pa’im Ainam Manik Syiem ha ka jingdon lang kiba khraw batri jong ka Hima.
Haba kren ha kane ka jingialang ban aiti ia ki dulir sha u Syiem jong ka Hima Mylliem u myntri Iaineh Nongkhlaw jong ka kur Nongkhlaw u la ong ba ka sorkar ka tip bha ia ki jaka jong ka kur Nongkhlaw ba ka don 1000 akar hapoh kane ka nongbah Shillong bad kum ka kur mynta ka sngi ka aiti sha ka Hima tang ia ka Themiew Mawlong.
Ka kur Nongkhlaw ka don ia ki kot ki sla ban pynshisha katkum ki dulir kiba la don naduh u snem 1864 ryngkat ki map kiba la dro naduh katei ka snem ha ka por jong ki phareng. Ka jingaiwai ia ka Themiew Mawlong sha ka sorkar ha katei ka por ym shym la leh da ka Hima Mylliem hynrei la leh don bor da ki myntri jong ka Hima Mylliem da kaba iaid lait ia ka kur bad ia ka ophis jong u Syiem.
Ha kane ka sngi ki myntri jong ka hima kiba la kren ha kane ka jingialang ki long u FB Kharbuki, u Myntri K Langstieh, ia ka jingialang la pyniaid da u myntri MB Kharlukhi. Ha ka jingiadon lang kiba khraw bari jong ka hima ha ryngkat ki kur nongkhlaw.
