Shillong, Risaw 05: Mynta ka sngi U Ganga Prasad u la bam smai kum u Lat jong ka jylla Meghalaya ha Raj Bhavan Shillong, ha kaba u Chief Justice jong ka Meghalaya High Court, u Justice Dinesh Maheshwari u la shim ia ka jingpynsmai ia u Lat ba thymmai ka jylla.
U Governor ba thymmai jong ka jylla u la shim ia ka jingsmai ha ka kti Hindi, ha kane ka sngi la don lang mu myntri rangbah ka jylla u Dr Mukul Sangma bad ka kynthun myntri jong u u Dr RC Laloo, U Martin M Danggo, ka Debora Ch Marak, Dr Ampareen Lyngdoh, U Bah RV Lyngdoh, u Bah Cominggone Ymbon. Na ka liang pyrshah ki MLA kiba la ia don lang ki long u Bah Metbah Lyngdoh, Dr Jemino Mawthoh na ka UDP bad u Bah D Jyndiang na ka HSPDP.
Kiwei kiba la don lang ha kane ka sngi ki long ki heh sorkar jylla ka jylla Meghalaya, ki heh shipai bad kiba ha ing ha sem bad ki lok ki jor jong u Lat ba thymmai ka jylla. Ha dien ka jingpynsmai na ka liang jong u Lat u la sleit ban shim ia ka salute na ki pulit jong ka jylla.
Haba kren ha ki lad pathai khubor ha dien ba la dep kajingpynsmai na ka liang jong u Lat u la ong ba un trei na ka bynta ka roi ka par jong ka jylla Meghalaya ha baroh ki liang, ngan leh ia kane katba kot la ka born a ka bynta jong ka jylla.
