Mynta ka sngi ioh kurup ki pulit T.2.6 klur  ka pisa na khlieh iewduh kaba wan na Guwahati

Shillong, Jymmang 24: Mynta ka sngi ki pulit jong ka jylla Meghalaya kila ioh jingtip ba ki don ki briew kiba mih na Guwahati ban wan sha Shillong bad ka don ka jingsuba ba kine ki briew ki lah ban kit ia ki jingdih beain.

Halor kane ka jingtip na ka liang jong ki pulit na  Cantonment Beat House kala phah ia ki kynhun pulit ba kyrpang ban bud dien ia ka kali kaba la phah jingtip na Guwahati. Na ka liang jong ki pulit kila iohi ba kane ka kali kala kiew sha khlieh Iewduh bad ieng ha jaka ieng kali.

Haba kane ka kali kala ieng ki pulir kila ker kut ia kane ka kali bad kila sdang ban khynra ia bad ha kane ka jingkhynra la lap ar tylli ki song kiba la song ha ki kot khubor, haba ki pulit kila sdang ban plie ia kine ki song u nongniah kane ka kali u la iathuh ba ka dei ka pisa.

Ha dien la iathuh ba ka dei ka pisa la kit noh mar mar sha ophis jong ka Superintendent ki pulit bad ha ka jingthohkit na ka liang jong u nongiah kane ka kali u la iathuh ba ia kane ka pisa la phah rah ban ai ha kawei ka briew kiba sah ha Laban.

Na ka liang jong ki pulit kila iathuh ba kane ka pisa kaba la ioh ban kurup mynta ka sngi ka don ha duh T.2.6 klur tyngka. Na ka liang jong ki pulit ki suba jur ba ia kane ka pisa la phah ban siew na ka bynta ka bai drugs lane ka bai ksiar.

Ia kane ka pisa la plie ha ka jingiadon lang ki briew na Income Tax bad kum juh na ki Bank. ka jingtohkit jong ki pulit ka dang iaid halor kane ka jinglap ia kane ka pisa.

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet