Shillong, Jylliew 04: Mynta ka sngi ka tnad ka koit ka khiah kala pyntip ba ka jylla Meghalaya kam don shuh kiba shitom na ka jingpang COVID-19 positive, ha dien ba ki ar ngut kiba na Ri Bhoi District kila ioh ia ka jingkoit mynta ka sngi.
Naduh ba sdang kane ka jingpang COVID-19 ha ka jylla Meghalaya kiba la test COVID-19 positive ki don 93826 ngut, kiba la koit na kane ka jingpang ki long 92233 ngut bad kiba khlad na kane ka jingpang ki long 1593 ngut.
Naduh ba sdang wan kane ka jingpang ha Meghalaya baroh khatar tylli ki District kila shah ktah ha kane ka jingpang, ka District kaba la shah ktah bun eh dei ka East Khasi Hills District bud sa ka West Garo Hills District bad ka Ri Bhoi District kine ki lai tylli ki District ki dei kiba la palat phew hajar ngut kiba shah ktah ha kane ka jingpang.
